பிரபல இயக்குநர் தங்கர் பச்சான், நடிகரும் சேப்பாக்கம் சட்டமன்ற உறுப்பினருமான உதயநிதி ஸ்டாலினை நேரில் சந்தித்து, அரசு மருத்துவமனைகளுக்கு ரூ.1.20 மதிப்பிலான 14 போர்ட்டபிள் வெண்டிலேட்டர் கருவிகளை வழங்கினார்.

சமீபத்தில் கடலூர் அரசு மருத்துவமனையில் வென்டிலேட்டர் தட்டுப்பாட்டின் காரணமாக கொரோனா நோயாளி ஒருவர் உயிரிழந்த தகவலை தனது கனடா நண்பருடன் இயக்குனர் தங்கர்பச்சான் பகிர்ந்து கொண்டார். இதனையடுத்து அந்த கனடா நண்பர் ரூ.1.20 கோடி மதிப்பிலான போர்ட்டபிள் வெண்டிலேடர் கருவிகளை வாங்கி அனுப்பி வைத்தார்.

இந்த கருவிகளை இயக்குனர் தங்கர் பச்சான் நேற்று உதயநிதி ஸ்டாலின் அவர்களை சந்தித்து கனடாவை சேர்ந்த ஹாலிவுட் ஒளிப்பதிவாளரான சுரேஷ் ரோஹின் அவர்களின் ஏற்பாட்டில் அனுப்பி வைத்திருந்த ரூ.1.20 கோடி மதிப்பிலான 14 போர்ட்டபிள் வெண்டிலேட்டர் கருவிகளை அரசு மருத்துவமனைகளுக்கு பிரித்து வழங்கும் பொருட்டு ஒப்படைத்தார். இதுகுறித்த புகைப்படங்கள் தற்போது வைரலாகி வருகின்றன.