close
Choose your channels

దిశ నిందితుల ఎన్‌కౌంటర్‌పై టాలీవుడ్ ప్రముఖుల రియాక్షన్ ఇదీ..

Friday, December 6, 2019 • తెలుగు Comments

దిశ నిందితుల ఎన్‌కౌంటర్‌పై టాలీవుడ్ ప్రముఖుల రియాక్షన్ ఇదీ..

తెలుగు రాష్ట్రాల్లోనే కాదు.. యావత్ ప్రపంచ వ్యాప్తంగా పెను సంచలనం సృష్టించిన ‘దిశ ఘటన’లో నిందితులను శుక్రవారం తెల్లవారుజామున పోలీసులు ఎన్‌కౌంటర్ చేసిన విషయం తెలిసిందే. అయితే ఈ ఎన్‌కౌంటర్ టాలీవుడ్‌కు చెందిన పలువురు ప్రముఖులు సోషల్ మీడియా వేదికగా రియాక్ట్ అవుతున్నారు. అంతేకాదండోయ్.. దిశ హత్యా ఘటనను ఖండించని కొందరు సెలబ్రిటీలు సైతం ఇప్పుడు సోషల్ మీడియాకెక్కి స్పందిస్తున్నారు. ఇవాళ ఉదయం నుంచి నెట్టింట్లో ఎక్కడ చూసినా ఈ ఎన్‌కౌంటర్‌పైనే పెద్ద చర్చే జరుగుతోంది. 

మంచు మనోజ్: నిందితులను ఎన్‌కౌంటర్ చేసిన ఆ బుల్లెట్టు దాచుకోవాలని ఉంది. ఆ తుపాకులకు దండం పెట్టాలని ఉంది. ఆ పోలీసుల కాళ్ళు మొక్కాలని వుంది. నలుగురు చచ్చారు అనే వార్త లో ఇంత కిక్కుందా..? ఈ రోజునే ఆత్మ దేవుడ్ని చేరింది చెల్లెమ్మా..!

జూనియర్ ఎన్టీఆర్: దిశ హత్యాచార నిందిలను పాల్పడిన నిందితులను ఎన్‌కౌంటర్ చేయడంతో న్యాయం జరిగిందని.. ఇప్పుడు ఆమె ఆత్మకు శాంతి చేకూరింది.

నాగార్జున: పొద్దు పొద్దున్నే న్యాయం జరిగిందన్న వార్తతోనే లేచాను.

నాని: ఊరికి ఒక్కడే రౌడీ ఉండాలి.. వాడు పోలీసోడై ఉండాలి అంటూ విక్రమార్కుడు సినిమాలోని డైలాగ్‌ను నాని పోస్ట్ చేశాడు.

మంచు లక్ష్మి: నేను మరణశిక్షను సమర్థించను కానీ... కొన్నేళ్లుగా తాను తన ఆలోచనా విధానాన్ని మార్చుకున్నానని.. రేపిస్టులను ఉరి తీయాల్సిందే. మన జాతికి ఉదహరణగా నిలిచినందుకు, మహిళలపై గౌరవాన్ని చూపినందుకు కేటీఆర్ గారికి థాంక్యూ.

రాజశేఖర్: సజ్జనార్‌గారూ.. మీకు హాట్సాఫ్. బాధిత కుటుంబానికి న్యాయం జరిగింది. మన ముఖ్యమంత్రికి థాంక్స్ అలాగే మన పోలీస్, సజ్జనార్ గారికి హాట్సాఫ్. నీ ఆత్మకు శాంతి చేకూరాలి దిశ

సమంత: ఐ లవ్ తెలంగాణ. భయం అనేది ఒక గొప్ప పరిష్కారం.. కొన్ని సార్లు భయం మాత్రమే పరిష్కారం.

బాలయ్య: పోలీసులకు, తెలంగాణ ప్రభుత్వానికి అభినందనలు. దేవుడే పోలీసుల రూపంలో దిశ నిందితులను శిక్షించాడు. దిశ ఆత్మకు ఇప్పుడు శాంతి చేకూరింది

పూరీ జగన్నాథ్: పోలీస్ డిపార్ట్‌మెంటుకి చేతులెత్తి మొక్కుతున్నాను. మీరే నిజమైన హీరోలు. నేనెప్పుడు ఒక విషయాన్ని నమ్ముతాను. మనకి కస్టమొచ్చిన కన్నీళ్లొచ్చినా పోలీసోడే వస్తాడు. నువ్వే దిక్కు రక్షించాలని దేవుడికి మొక్కినా ఆ దేవుడు కూడా పంపించేది పోలీసోడినే.

Get Breaking News Alerts From IndiaGlitz