ஆளுனரை சந்திக்கிறார் மு.க.ஸ்டாலின். திடீர் திருப்பம் ஏற்படுமா?
- IndiaGlitz, [Friday,February 10 2017]
தமிழக அரசியல் களம் இதுபோன்ற ஒரு பரபரப்பை இதற்கு முன் சந்தித்திருக்குமா? என்பது சந்தேகமே. தமிழகத்தில் அடுத்து ஆட்சியை அமைப்பது முதல்வர் ஓபிஎஸ் அவர்களா? சசிகலாவா? அல்லது குடியரசு தலைவர் ஆட்சியா? என்பதை அறிய கோடிக்கணக்கான தமிழக மக்கள் ஆர்வத்துடன் காத்திருக்கின்றனர்.
இந்நிலையில் நேற்று மாலை தமிழகம் வந்த கவர்னர் வித்யாசாகர் ராவ், முதல்வர் ஓபிஎஸ் மற்றும் சசிகலாவை சந்தித்தார். மேலும் இன்று காலை தலைமை செயலாளர், டிஜிபி உள்பட உயரதிகாரிகளையும் சந்தித்து ஆலோசனை மேற்கொண்டார்.
தற்போது சட்டமன்ற எதிர்க்கட்சி தலைவர் மு.க.ஸ்டாலின் அவர்களை இன்று இரவு 7.30 மணிக்கு அவர் சந்திக்க உள்ளார். தற்போதைய அரசியல் சூழல் குறித்தும், அடுத்த ஆட்சி அமைவது குறித்தும் எதிர்க்கட்சி தலைவருடன் அவர் ஆலோசனை செய்வார் என்று எதிர்பார்க்கப்படுகிறது.