‘குட் பேட் அக்லி’ திரைப்படம் வரும் ஏப்ரல் 10ஆம் தேதி வெளியாவிருக்கின்ற நிலையில், இந்த படம் குறித்த தகவல்கள் அவ்வப்போது வெளிவந்து ஆச்சரியத்தை ஏற்படுத்தி வருகின்றன.

இந்த நிலையில், "டாக்டர்" திரைப்படத்தில் வில்லன் கதாபாத்திரத்தில் நடித்த நடிகர் தான் இந்த படத்தின் முக்கிய வில்லன் என்று கூறப்படுவது பெரும் ஆச்சரியத்தை ஏற்படுத்தியுள்ளது.

அஜித், த்ரிஷா நடிப்பில், ஆதிக் ரவிச்சந்திரன் இயக்கத்தில், ஜி.வி. பிரகாஷ் இசையில் உருவாகிய ‘குட் பேட் அக்லி’ திரைப்படத்திற்கு இப்போதே மிகப்பெரிய எதிர்பார்ப்பு ஏற்பட்டுள்ளது. ஏற்கனவே, சமீபத்தில் வெளியான இந்த படத்தின் சிங்கிள் பாடல் இணையதளங்களில் வைரல் ஆகி வருகிறது.

இந்த நிலையில், ஏற்கனவே ‘குட் பேட் அக்லி’ படத்தில் ஒரு பெரிய நட்சத்திரக் கூட்டம் நடித்திருக்கும் இப்படத்தில், "டாக்டர்" படத்தில் வில்லனாக நடித்த ரகுராம் வில்லன் வேடத்தில் நடித்துள்ளார் என தெரிகிறது. ரகுராம் மற்றும் ராஜு லக்ஷ்மன் ஆகிய இருவரும் "டாக்டர்" படத்தில் மெல்வின், ஆல்வின் என்று இரண்டு மொட்டை வில்லன்களாக நடித்திருந்தனர்.

இவர்களில் ரகுராம் தான் ‘குட் பேட் அக்லி’ படத்தின் முக்கிய வில்லன் என்று கூறப்படுவது, இப்படத்தின் மீதான எதிர்பார்ப்பை மேலும் அதிகரித்துள்ளதாக தகவல் வெளியாகியுள்ளது.

அஜித், த்ரிஷா, பிரசன்னா, சுனில், ராகுல் தேவ் உள்ளிட்ட பலர் நடிப்பில் உருவாகி வரும் இந்த படத்திற்கு ஜிவி பிரகாஷ் இசையமைத்து வருகிறார். அபிநந்தன் ராமானுஜம் ஒளிப்பதிவில், விஜய் வேலுக்குட்டி படத்தொகுப்பில் உருவாகி வரும் இந்த படத்தை மைத்ரி மூவி மேக்கர்ஸ் நிறுவனம் பிரமாண்டமாக தயாரித்து வருகிறது.