பா ரஞ்சித் இயக்கத்தில் ஆர்யா நடிக்க இருக்கும் ’சல்பேட்டா’ என்ற திரைப்படத்தின் படப்பிடிப்பு விரைவில் தொடங்க உள்ளது என்பதும் இந்த படத்தின் ஆரம்பகட்ட பணிகள் விறுவிறுப்பாக நடந்து வருவதாக வெளிவந்த செய்தியினை ஏற்கனவே பார்த்தோம்

வடசென்னை பகுதியில் உள்ள குத்துச்சண்டை வீரரின் கதையம்சம் கொண்ட இந்த படத்தில் ஆர்யா குத்துச்சண்டை வீரராக நடிக்கவுள்ளார் என்பதும் குத்துச்சண்டை கேரக்டருக்காக ஆர்யா கடுமையாக உடற்பயிற்சி செய்து உண்மையான குத்துச்சண்டை வீரர் போல் தனது உடலை மாற்றி உள்ளார் என்பது குறிப்பிடத்தக்கது

இந்த நிலையில் இந்த படத்தின் நாயகியாக துஷாரா என்ற நடிகை நடிக்கவிருப்பதாக செய்திகள் வெளிவந்துள்ளது. ஏற்கனவே இவர் கடந்த ஆண்டு வெளியான ‘போதை ஏறி புத்தி மாறி’ என்ற தமிழ்ப்படத்தில் நடித்துள்ளார் என்பது குறிப்பிடத்தக்கது. இந்த படத்தில் இவர் போல்டான வடசென்னை பெண்ணாக நடிக்கவுள்ளார்.

ஏற்கனவே இந்த படத்தில் முக்கிய கேரக்டர்களில் நடிகர் சந்தோஷ் பிரதாப் மற்றும் கலையரசன் நடிக்க உள்ளார்கள் என்பது குறிப்பிடத்தக்கது. சந்தோஷ் நாராயணன் இசையில் முரளி ஒளிப்பதிவில் உருவாகவுள்ள இந்த படத்தின் படப்பிடிப்பு கொரோனா வைரஸ் பரபரப்பு முடிந்தவுடன் தொடங்கும் என எதிர்பார்க்கப்படுகிறது