ஆலுமா டோலுமாவை விட 10 மடங்கு பவர் 'தல விடுதலை'
- IndiaGlitz, [Tuesday,August 01 2017]
பிரபல எடிட்டர் ரூபன் தல அஜித்தின் 'விவேகம்' படத்தின் எடிட்டிங் பணிகளை முழுமையாக முடித்துவிட்ட நிலையில் இந்த படம் குறித்து நமக்கு அளித்த பிரத்யேக பேட்டியில் பல புதிய தகவல்களை தந்துள்ளார்.
குறிப்பாக அனிருத்தின் பாடல்கள் குறித்து குறிப்பிடும்போது, 'பலர் இந்த படத்தில் ஆலுமா டோலுமா' போன்ற பாடல் இல்லையே என்று ஆதங்கப்பட்டனர். ஆனால் இந்த படம் முழுக்க முழுக்க வெளிநாட்டில் படமாக்கபப்ட்டுள்ளதால் இந்த படத்தில் ஆலுமா டோலுமா பாடலுக்கான பிளாட்பார்ம் இல்லை. ஆனால் அதே நேரத்தில் ஆலுமா டோலுமா பாடல் தியேட்டரில் எந்த அளவுக்கு வரவேற்பை பெற்றதோ, அதைவிட பத்து மடங்கு வரவேற்பை தல விடுதலை பாடல் பெறும். ஆலுமா டோலுமா பாடலுக்காவது அங்கங்கே எழுந்து தல ரசிகர்கள் கைதட்டினர். ஆனால் இந்த பாடல் முழுக்கவே தியேட்டரில் பயங்கரமாக இருக்கும் என்று கூறினார்.
இந்த பாடல் ஒரு கூலான இடத்தில் பின்னணியில் இருந்தாலும் இந்த பாடலில் இருக்கும் வரிகளும், அதற்கு பொருத்தமான காட்சிகளும் ஸ்க்ரீனில் பார்க்கும்போது பயங்கரமாக இருக்கும். இந்த பாடல் எமோஷனல் மற்றும் கொண்டாட்டமாக இருக்கும் என்றும் அவர் மேலும் கூறியுள்ளார்.