எலான் மஸ்க் விரைவில் தமிழ்ப்படம் தயாரிப்பார்.. பிரபலம் கூறிய ஆச்சரிய தகவல்..!
- IndiaGlitz, [Wednesday,July 19 2023]
தமிழ் திரையுலகில் நடிகர், இசையமைப்பாளர், தயாரிப்பாளர், இயக்குனர் என வலம் வந்து கொண்டிருக்கும் விஜய் ஆண்டனி விரைவில் எலான் மஸ்க் தமிழ் திரைப்படத்தை தயாரிப்பார் என கூறியிருப்பது பரபரப்பை ஏற்படுத்தி உள்ளது.
விஜய் ஆண்டனி நடித்த ’கொலை’ திரைப்படம் வரும் 21ஆம் தேதி வெளியாக இருக்கும் நிலையில் இந்த படத்தின் புரமோஷன் நிகழ்ச்சியில் சமீபத்தில் விஜய் ஆண்டனி கலந்து கொண்டார். இப்போது இந்த படத்தின் இயக்குனர் பாலாஜி பாபு, எலான் மஸ்க் தங்கை நண்பன் என்றும், அந்த வகையில் எலான் மஸ்க் விரைவில் தமிழ் சினிமா தயாரிக்க வாய்ப்பு இருக்கிறது என்று தெரிவித்தார். ஏற்கனவே தோனி தமிழ் படம் தயாரித்த நிலையில் எலான் மஸ்க் தமிழ் படம் தயாரிப்பாரா? என்பதை பொறுத்திருந்து பார்ப்போம்.
மேலும் இந்த விழாவில் விஜய் ஆண்டனி பேசியபோது, ‘ இந்த படத்தின் நாயகிகளில் ஒருவரான மீனாட்சி, ஒரு டாக்டர் என்றும் அவர் தற்போது ஐஏஎஸ் படித்து வருகிறார் என்றும் தெலுங்கில் மகேஷ்பாபு உடன் ஜோடியாக நடித்து வருகிறார் என்றும் தெரிவித்தார்.
இந்த படத்தில் இரண்டு கதாநாயகிகள் இருந்தாலும் எனக்கு ரித்திகா மட்டுமே ஜோடி என்றும் ஆனால் அதே நேரத்தில் சொந்த வாழ்க்கையில் அவர் எனக்கு தங்கச்சி மாதிரி என்றும் அவர் தெரிவித்தார். இந்த படம் நன்றாக வந்துள்ளது மகிழ்ச்சியான விஷயம் என்றும் இந்த விழாவில் சிறப்பு விருந்தினராக வந்திருந்த ஆர்யாவுக்கு தனக்கு நன்றி என்றும் விஜய் ஆண்டனி தெரிவித்தார்.