'எங்கேயும் எப்போதும்' நடிகருக்கு பெண் குழந்தை.. க்யூட் பெயர் வைத்த தம்பதிகள்..!
- IndiaGlitz, [Thursday,March 07 2024]
'எங்கேயும் எப்போதும்’ உள்பட ஒரு சில தமிழ் படங்களிலும் பல தெலுங்கு திரைப்படங்களிலும் நடித்த நடிகர் ஷர்வானந்த்-க்கு பெண் குழந்தை பிறந்துள்ளதை அடுத்து ரசிகர்கள் அவருக்கு வாழ்த்துக்களை தெரிவித்து வருகின்றனர்.
தமிழில் ’காதல்னா சும்மா இல்லை’ என்ற திரைப்படத்தின் மூலம் அறிமுகமான நடிகர் ஷர்வானந்த் அதன் பிறகு ’நாளை நமதே’ ’எங்கேயும் எப்போதும்’ ’ஜேகே எனும் நண்பனின் வாழ்க்கை’ உள்பட ஒரு சில தமிழ் படங்களிலும் ஏராளமான தெலுங்கு படங்களிலும் நடித்துள்ளார்
நடிகர் ஷர்வானந்த் 2023ஆம் ஆண்டு ஆந்திராவைச் சேர்ந்த ரக்ஷிதா ரெட்டி என்பவரை திருமணம் செய்த நிலையில் இந்தத் திருமணம் ஜெய்பூரில் உள்ள அரண்மனையில் மிகவும் பிரமாண்டமாக நடந்தது. இந்த திருமணத்தில் ஏராளமான நட்சத்திரங்கள் கலந்து கொண்டனர் என்பது குறிப்பிடத்தக்கது
இந்த நிலையில் ரக்ஷிதா ரெட்டி கடந்த சில மாதங்களுக்கு முன்னர் கர்ப்பமானதாக தகவல் வெளியான நிலையில் தற்போது அவர் அவருக்கு பெண் குழந்தை பிறந்துள்ளது. இந்த குழந்தைக்கு ’லீலாதேவி மைனி’ என்று பெயர் வைத்துள்ளதை அடுத்து ரசிகர்கள் அவருக்கு வாழ்த்துக்களை தெரிவித்து வருகின்றனர்
நடிகர் ஷர்வானந்த், ஸ்ரீராம் ஆதித்யா இயக்கத்தில் ’மனமே’ என்ற படத்தில் நடித்து வருகிறார் என்பதும் இந்த படத்தில் கீர்த்தி ஷெட்டி நாயகியாக நடித்து வருகிறார் என்பது குறிப்பிடத்தக்கது. மேலும் அவர் அபிலாஷ் ரெட்டி என்பவர் இயக்கத்தில் ஒரு படத்தில் நடிக்க உள்ளார். இந்த படத்தில் மாளவிகா நாயர் நாயகியாக நடிக்க உள்ளார் என்பதும் இந்த படத்தின் ஷர்வானந்த், பைக் ரைடர் கேரக்டரில் நடிக்க இருப்பதாகவும் கூறப்படுகிறது