close
Choose your channels

బాహుబలి రికార్డ్‌లే కాదు..: ప్రభాస్‌పై మాజీ మంత్రి ప్రశంసలు

Thursday, April 2, 2020 • తెలుగు Comments

బాహుబలి రికార్డ్‌లే కాదు..: ప్రభాస్‌పై మాజీ మంత్రి ప్రశంసలు

కరోనా వైరస్ ప్రపంచాన్ని కాటేస్తున్న నేపథ్యంలో పలువురు ప్రముఖులు సాయం చేసి పెద్ద మనసు చాటుకుంటున్న సంగతి తెలిసిందే. రాజకీయ నేతలు, నటీనటులు, వ్యాపారవేత్తలు, క్రీడా ప్రముఖులు ముందుకొచ్చి తమ వంతుగా సాయం చేశారు. వీరిలో టాలీవుడ్ స్టార్ హీరోల్లో ఒకరైన యంగ్ రెబల్ స్టార్ ప్రభాస్ కూడా ఉన్నారు. ప్రధాన మంత్రి సహాయ నిధికి రూ.3 కోట్లు.. ఏపీ, తెలంగాణల సీఎంల సహాయనిధికి కలిపి కోటి రూపాయలు ఇవ్వడం చాలా గొప్ప విషయమే.

బాహుబలి రికార్డ్స్‌లోనే కాదు..

ప్రభాస్ విరాళంపై టీడీపీ సీనియర్ నేత, మాజీ మంత్రి సోమిరెడ్డి చంద్రశేఖర్ రెడ్డి సోషల్ మీడియా వేదికగా స్పందిస్తూ.. రెబల్ స్టార్‌పై ప్రశంసల వర్షం కురిపించారు. ‘‘బాహుబలి’ చిత్ర రికార్డుల్లోనే కాదు.. ‘కరోనా’ విరాళాల్లోనూ తెలుగు సినీ రంగంలో ప్రభాస్ ముందుండటం అభినందనీయం. చిన్నవయస్సులోనే పెద్ద మనస్సు చాటుకుంటూ ప్రధాన మంత్రి సహాయ నిధికి రూ.3 కోట్లు, ఏపీ, తెలంగాణల సీఎంల సహాయనిధికి కలిపి కోటి రూపాయలు ఇవ్వడం చాలా గొప్ప విషయం’ అని తన ట్విట్టర్ వేదికగా ప్రభాస్‌ను సోమిరెడ్డి ప్రశంసించారు. ఈ సందర్భంగా ప్రభాస్ విరాళం ప్రకటించిన తాలుకూ ప్రకటన, యంగ్ రెబల్ స్టార్ ఫొటోను కూడా సోమిరెడ్డి షేర్ చేశారు. ఇది చూసిన ప్రభాస్ ఫ్యాన్స్ ఆనందంలో మునిగితేలుతున్నారు.

Get Breaking News Alerts From IndiaGlitz