'விக்ரம்' படத்தில் கமல்ஹாசன் ஜோடி யார்?
- IndiaGlitz, [Friday,November 12 2021]
உலக நாயகன் கமல்ஹாசன் ஒரு பக்கம் பிக்பாஸ் மற்றும் இன்னொரு பக்கம் ’விக்ரம்’ படத்தின் படப்பிடிப்பு ஆகிவற்றில் கலந்து வருகிறார் என்பதும் ’விக்ரம்’ படத்தின் படப்பிடிப்பு கிட்டத்தட்ட இறுதிக்கட்டத்தை நெருங்கிவிட்டது என்பது குறிப்பிடத்தக்கது.
இந்த நிலையில் ’விக்ரம்’ படத்தில் கமல்ஹாசனுக்கு ஜோடி இல்லை என்று முதலில் படக்குழுவினர்களிடம் இருந்து தகவல் வந்தது. ஆனால் தற்போது வந்த தகவலின் படி கமல்ஹாசனுக்கு ஜோடி உண்டு என்றும் அவருக்கு ஜோடியாக பிரபல நடிகை ஒருவர் நடிக்க இருக்கிறார் என்றும் அவருடைய கேரக்டர் தான் இந்த படத்தின் கதைக்கு திருப்புமுனையாக இருக்கும் என்றும் கூறப்படுகிறது.
கமல்ஹாசனுக்கு ஜோடியாக நடிக்கும் நடிகையை இயக்குனர் லோகேஷ் கனகராஜ் தேர்வு செய்து சஸ்பென்சாக வைத்துள்ளார் என்றும் அடுத்த கட்ட படப்பிடிப்பில் அவர் கலந்து கொள்ளும் போது அவர் யார் என்பது தெரியவரும் என்றும் கூறப்படுகிறது.
ஏற்கனவே இந்த படத்தில் வில்லனாக நடித்து வரும் விஜய் சேதுபதிக்கு பிக்பாஸ் பிரபலமான ஷிவானி நாராயணன் ஜோடியாக நடிக்கிறார் என்று கூறப்பட்டது என்பது குறிப்பிடத்தக்கது.