పెట్రోల్ బాంబు మంటల్లో గాయపడిన ప్రముఖ హీరో
- IndiaGlitz, [Tuesday,March 02 2021]
ప్రముఖ హీరో షూటింగ్‌లో గాయపడిన ఘటన ఇండస్ట్రీలో తీవ్ర కలకలం రేపింది. ఓ సన్నివేశం చిత్రీకరణలో భాగంగా పెట్రోల్ బాంబు విసిరి వేయాల్సి ఉంది. అది విసిరి వేయగానే హీరో పాటు మరో నటుడు పరిగెత్తాల్సి ఉంటుంది. అయితే ఈలోపే ప్రమాదం జరిగిపోయింది. అయితే బాంబు విసిరి పరిగెత్తే లోపు మంటలు అంటుకుని హీరో గాయపడినట్టు తెలుస్తోంది. దీంతో చిత్ర యూనిట్ మొత్తం కంగారు పడింది. అయితే ఇది తెలుగు ఇండస్ట్రీకి సంబంధించిన ఘటన కాదులెండి.
కన్నడ సినిమా షూటింగ్‌లో భాగంగా ఈ ప్రమాదం జరిగింది. ప్రముఖ కన్నడ నటుడు రిషబ్ శెట్టి హీరోగా ‘హీరో’ సినిమా తెరకెక్కుతోంది. ఈ సినిమా షూటింగులో పెట్రోలు బాంబు విసిరే సీన్ ఉంటుంది. ఈ సీనే ప్రమాదానికి కారణమైంది. ఇటీవల హాసన్‌ జిల్లా బేలూరులో పోరాట దృశ్యాల చిత్రీకరణలో ఈ ఘటన జరిగింది. స్క్రిప్ట్‌ ప్రకారం పెట్రోల్ బాంబు విసిరి నటులు రిషబ్, గానావి లక్ష్మణ పరారీ కావాల్సి ఉంటుంది. అయితే బాంబు విసిరి పరిగెత్తే లోపు మంటలు అంటుకుని రిషబ్ గాయపడినట్లు సమాచారం.