close
Choose your channels

‘మోస్ట్  ఎలిజిబుల్ బ్యాచ్‌ల‌ర్‌’కు ఫ్యాన్సీ ఆఫ‌ర్‌

Tuesday, August 4, 2020 • తెలుగు Comments

‘మోస్ట్  ఎలిజిబుల్ బ్యాచ్‌ల‌ర్‌’కు ఫ్యాన్సీ ఆఫ‌ర్‌

అఖిల్ అక్కినేని, పూజా హెగ్డే జంటగా నటిస్తోన్న చిత్రం ‘మోస్ట్ ఎలిజిబుల్ బ్యాచ్‌ల‌ర్‌’. ప్రస్తుతం సినిమా తుది దశ చిత్రీకరణ దశకు చేరుకుంది. నిజానికి ఈ సమ్మ‌ర్‌లో ‘మోస్ట్ ఎలిజిబుల్ బ్యాచ్‌ల‌ర్‌’ను ప్రేక్ష‌కుల ముందుకు తీసుకు రావాల‌నేది మేక‌ర్స్ ఆలోచ‌న‌. అయితే వీరి ఆలోచ‌న‌ల‌కు క‌రోనా వైర‌స్ బ్రేకులేసింది. ఇప్పుడు వ‌చ్చే ఏడాది సంక్రాంతికి ఈ చిత్రాన్ని విడుద‌ల చేయాల‌ని ద‌ర్శ‌క నిర్మాత‌లు భావిస్తున్నారు. ఈ సినిమా థియేట్ర‌కిల్ రిలీజ్ కంటే ముందు నాన్ థియేట్రిక‌ల్ బిజినెస్‌కు మంచి ఆఫ‌ర్ వ‌చ్చింద‌ట‌. వివ‌రాల్లోకెళ్తే.. ‘మోస్ట్ ఎలిజిబుల్ బ్యాచ్‌ల‌ర్‌’ శాటిలైట్ హ‌క్కుల‌ను ప్ర‌ముఖ ఎంట‌ర్‌టైన్‌మెంట్ ఛానెల్ ఆరున్నర కోట్ల రూపాయ‌ల‌కు ద‌క్కించుకుంద‌ట‌.

ఇప్ప‌టి వ‌ర‌కు హీరోగా ఎంట్రీ ఇచ్చి అఖిల్ మూడు సినిమాలు చేసినా.. ఏ సినిమా కూడా ఆయ‌న‌కు ఆశించిన స్థాయిలో బ్రేక్ ఇవ్వ‌లేదు. దీంతో అఖిల్ త‌న ఆశ‌ల‌న్నీ ‘మోస్ట్ ఎలిజిబుల్ బ్యాచ్‌ల‌ర్‌’పైనే పెట్టుకున్నాడు. మ‌రి ఈ సినిమా ఎలాంటి విజ‌యాన్ని ద‌క్కించుకుంటుందో వేచి చూడాలి. మెగా ప్రొడ్యూస‌ర్ అల్లు అర‌వింద్ స‌మ‌ర్ప‌ణ‌లో జీఏ2 పిక్చ‌ర్స్ బ్యాన‌ర్‌పై బ‌న్నీ వాసు, వాసు వ‌ర్మ ఈ చిత్రాన్ని నిర్మిస్తున్నారు.

Get Breaking News Alerts From IndiaGlitz