close
Choose your channels

సాయితేజ్ సినిమాకు ఫ్యాన్సీ ఆఫర్

Friday, July 31, 2020 • తెలుగు Comments

సాయితేజ్ సినిమాకు ఫ్యాన్సీ ఆఫర్

గత ఏడాది విడుద‌లైన ‘చిత్రలహరి, ప్ర‌తిరోజూ పండ‌గే’ చిత్రాలతో వరుస విజయాలను సొంతం చేసుకున్నారు సుప్రీమ్ హీరో సాయితేజ్. ఇప్పుడు ఈ మెగాక్యాంప్ హీరో నటించిన యూత్‌ఫుల్ ల‌వ్ ఎంట‌ర్‌టైన‌ర్‌ 'సోలో బ్రతుకే సో బెటర్’ విడుద‌ల‌కు సిద్ధంగా ఉంది. నిజానిక క‌రోనా ప్ర‌భావం లేకుండా ఉండుంటే ‘సోలో బ్ర‌తుకే సో బెట‌ర్‌’ మూవీ మే 1కే విడుద‌ల కావాల్సింది. కానీ క‌రోనా వ‌ల్ల సినిమా విడుద‌ల వాయిదా ప‌డింది. థియేట‌ర్స్ ఓపెన్ అయితే కానీ.. ఈ సినిమా విడుద‌లపై ఓ క్లారిటీ రానుంది. అయితే లాక్‌డౌన్ స‌మ‌యంలో కొన్ని సినిమాలు మాత్రం ఓటీటీ బాట‌ప‌ట్టాయి. మ‌రికొన్ని సినిమాల‌కు ఓటీటీల నుండి ఫ్యాన్సీ ఆఫ‌ర్ వ‌చ్చినా వ‌ద్ద‌నుకుని థియేట‌ర్స్ ఎప్పుడు తెరుచుకుంటాయా? అని ఎదురుచూస్తున్నాయి.

ఇప్పుడు అలాంటి ఓ ఫ్యాన్సీ ఆఫ‌ర్ సాయితేజ ‘సోలో బ్ర‌తుకే సో బెట‌ర్‌’ మూవీకి వ‌చ్చిందట‌. ఓ ప్ర‌ముఖ డిజిట‌ల్ సంస్థ రూ.25 కోట్లు కోట్ చేసింద‌ట‌. మ‌రి సాయితేజ్ నిర్మాత‌లు ఈ ఆఫ‌ర్‌కు ఓకే అంటారో లేదో తెలియాలంటే కొన్ని రోజులు వెయిట్ చేయాల్సిందే. ప్ర‌స్తుతం దేవాక‌ట్టా ద‌ర్శ‌క‌త్వంలో సాయితేజ్ హీరోగా ఓ సినిమా రూపొందుతుంది. ఇదొక పొలిటిక‌ల్ థ్రిల్ల‌ర్‌గా తెర‌కెక్క‌నుంద‌ని వార్త‌లు వినిపిస్తున్నాయి.

Get Breaking News Alerts From IndiaGlitz