prathyusha garimella : ఫ్యాషన్ డిజైనర్ ప్రత్యూష గరిమెళ్ల ఆత్మహత్య.. ఫేమస్ సెలబ్రెటీలు ఆమె కస్టమర్లే
- IndiaGlitz, [Saturday,June 11 2022]
ప్రముఖ ఫ్యాషన్ డిజైనర్ ప్రత్యూష గరిమెళ్ల అనుమానాస్పద స్థితిలో శవమై కనిపించారు. బంజారాహిల్స్‌ ఎమ్మెల్యే కాలనీలో నివాసముంటున్నారు ప్రత్యూష. ఈ నేపథ్యంలో ఇంట్లోని స్నానాల గదిలో ఆమె మృతదేహం పడి ఉంది. పక్కనే కార్బన్‌ మోనాక్సైడ్‌ సీసాను పోలీసులు స్వాధీనం చేసుకున్నారు. బాత్‌రూమ్‌లో కార్బన్‌ మోనాక్సైడ్‌ పీల్చి ఆత్మహత్య చేసుకున్నట్టు పోలీసులు అనుమానిస్తున్నారు. కేసు నమోదు చేసుకున్న పోలీసులు .. ప్రత్యుష మృతదేహాన్ని పోస్ట్‌మార్టం నిమిత్తం ఉస్మానియా ఆస్పత్రికి తరలించారు. దేశంలోని ప్రముఖ ఫ్యాషన్ డిజైనర్లలో ఒకరిగా ప్రత్యూష గుర్తింపు తెచ్చుకున్నారు. పలువురు సీని, క్రీడా ప్రముఖులకు ఫ్యాషన్ డిజైనర్‌గా ప్రత్యూష పనిచేశారు. శృతి హాసన్, దీపికా పదుకొణే, రకుల్ ప్రీత్ సింగ్, ప్రణీత, ఛార్మి, త్రిష, నిహారిక,కృతి శెట్టి నటీమణులకు ఆమె దుస్తులు డిజైన్ చేశారు.