ఫ్యాషన్ డిజైనర్ యుఎస్ హక్కులు వారికే
- IndiaGlitz, [Saturday,April 22 2017]
సుమంత్ అశ్విన్ హీరోగా న‌టిస్తున్న ఫ్యాషన్ డిజైనర్ సన్నాఫ్ లేడీస్ టైల‌ర్ చిత్రం యుఎస్ హ‌క్కుల‌ను కె.ఎస్‌.ఎంట‌ర్‌టైన్‌మెంట్ చేజిక్కించుకుంది. కె.ఎస్‌. ఎంట‌ర్‌టైన్‌మెంట్ ప‌తాకంపై సింగ‌న‌మ‌ల క‌ల్యాణ్ ఈ చిత్రం హ‌క్కుల‌ను తీసుకున్నారు. మ‌ధుర శ్రీధ‌ర్ రెడ్డి నిర్మిస్తున్న చిత్ర‌మిది. మ‌ణిశ‌ర్మ సంగీతాన్ని స‌మ‌కూరుస్తున్నారు. వంశీ దర్శకుడు.
ఈ సినిమా షూటింగ్ పూర్త‌యింది. త్వ‌ర‌లోనే ఆడియో విడుద‌ల చేయ‌డానికి స‌న్నాహాలు జ‌రుగుతున్నాయి. రాజేంద్ర‌ప్ర‌సాద్ హీరోగా న‌టించిన లేడీస్ టైల‌ర్ అప్ప‌ట్లో ఎంత‌టి ప్రాచుర్యాన్ని పొందిందో తెలిసిందే. ఇప్పుడు ఆ లేడీస్ టైల‌ర్ కొడుకు పెద్ద‌యి ఫ్యాషన్ డిజైనర్ అయితే ఎలా ఉంటుందోన‌నే కాన్సెప్ట్ తో ఈ సినిమా తెర‌కెక్కింది. యుఎస్‌లో భారీగా విడుద‌ల చేయ‌నున్న‌ట్టు సింగ‌న‌మ‌ల క‌ల్యాణ్ తెలిపారు.