close
Choose your channels

முடியலைன்னா வீட்டுக்கு போ! பிக்பாஸ் ஓனர் போல் அடாவடி செய்யும் வனிதா!

Saturday, June 29, 2019 • தமிழ் Comments

பிக்பாஸ் வீட்டில் இருக்க முடியலைன்னா வீட்டுக்கு போ என மீரா மிதுனை வனிதா பேசியது கொஞ்சம் ஓவராகவே இருப்பதாகவே பார்வையாளர்கள் மட்டுமின்றி பிக்பாஸ் போட்டியாளர்களும் கூறி வருகின்றனர்.

பிக்பாஸ் நிகழ்ச்சியில் வனிதா இருக்கின்றார் என்றதுமே இவரால்தான் அந்த வீட்டில் பிரச்சனை வரும் என முதல் நாளிலேயே பார்வையாளர்கள் கணித்துவிட்டனர். அதற்கேற்ப சொர்ணாக்கா போல் செயல்பட்டு கொண்டிருக்கும் வனிதாவுக்கு கேப்டன் பதவியும் கிடைத்ததால் தலைகால் புரியாமல் ஆடி வருகின்றார்.

மீராமிதுனுடன் ஏற்பட்ட பிரச்சனைக்கு வனிதாவின் ஆதரவை கேட்ட அபிராமியே தற்போது வனிதாவின் செயல் தவறு என்று கூற முற்பட்டாலும் யாரையும் வனிதா பேச விடுவதில்லை. தான் சொல்வதை மட்டுமே அனைவரும் கேட்க வேண்டும் என்று அதிகாரம் செய்து வருகிறார்.

நேற்றைய நிகழ்ச்சியில் 'என்னுடைய அப்பா அம்மா கூட இப்படி என்னை பேசியதில்லை' என்று மீராமிதுன் கூறியபோது, 'அப்படியென்றால் உங்க அம்மா வீட்டுக்கு போ' என வனிதா கூறியது அகந்தையின் உச்சக்கட்டமாக பார்க்கப்படுகிறது. கேப்டன் என்றால் ஏதோ முதலமைச்சர் பதவிபோல் வனிதா நினைத்து கொண்டிருப்பதாகவும், மக்கள் நினைத்தால் ஒரே வாரத்தில் வெளியேறும் வாய்ப்பு இருப்பது தெரிந்தும் இவ்வளவு அகந்தை ஏன்? என்றும் பார்வையாளர்களின் விமர்சனங்கள் எழுந்து வருகின்றன. பிக்பாஸ் ஓனர் போல் செயல்பட்டு கொண்டிருக்கும் வனிதாவுக்கு ஆப்பு வைக்கப்போவது யார்? என்பதை பொறுத்திருந்து பார்ப்போம்.
 

Get Breaking News Alerts From IndiaGlitz