టైటిల్ రిజిష్టర్ చేసిందిఅందుకేనా...?
- IndiaGlitz, [Tuesday,April 04 2017]
స్టైలిష్ స్టార్ అల్లుఅర్జున్‌, మెగాప‌వ‌ర్ స్టార్ రామ్‌చ‌ర‌ణ్ కాంబినేష‌న్‌లో మ‌రోసారి మ‌ల్టీస్టార‌ర్ మూవీ రూపొంద‌నుంద‌ని ఫిలింన‌గ‌ర్‌లో వార్త‌లు విన‌ప‌డుతున్నాయి. ఇది నిజ‌మైతే అభిమానుల‌కు పండ‌గే. గ‌తంలో వీరిద్దరూ క‌లిసి న‌టించిన మ‌ల్టీస్టార‌ర్ 'ఎవ‌డు' తిరుగులేని విజయాన్ని సొంతం చేసుకుంది. ఇప్పుడు చరణ్, సుకుమార్ దర్శకత్వంలో సినిమా చేస్తున్నాడు. బ‌న్ని, వ‌క్కంతం వంశీ సినిమాతో బిజీ కానున్నాడు. ఈ రెండు చిత్రాలు పూర్త‌యిన త‌ర్వాతే క్రేజీ కాంబో సినిమా సెట్స్‌లోకి వెళ్ళే అవ‌కాశం ఉంద‌ట. ఓ స్టార్ డైరెక్టర్ స్క్రిప్ట్‌ను సిద్ధం చేస్తున్నాడ‌ని వినికిడి. అందుకే గీతాఆర్ట్స్ అధినేత అల్లు అర‌వింద్ త‌న బ్యాన‌ర్‌పై చరణ్ అర్జున్ అనే టైటిల్‌ను రిజిష్టర్ చేయించాడు. మ‌రి ఇందులో నిజా నిజాలు తెలియాలంటే కొంత‌కాలం ఆగాల్సిందే