close
Choose your channels

முன்னாள் மத்திய அமைச்சர் அருண்ஜெட்லி காலமானார்!

Saturday, August 24, 2019 • தமிழ் Comments

முன்னாள் மத்திய நிதி அமைச்சர் அருண் ஜெட்லி உடல் நலக்குறைவால் காலமானார். அவருக்கு வயது 66

கடந்த சில நாட்களாக டெல்லி எய்ம்ஸ் மருத்துவமனையில் சிகிச்சை பெற்று வந்த முன்னாள் மத்திய நிதி அமைச்சர் அருண்ஜெட்லி சிகிச்சையின் பலனின்றி சற்றுமுன் காலமானதாக மருத்துவர்கள் அறிவித்தனர்.

சமீபத்தில்தான் பாஜகவின் மூத்த தலைவர்களில் ஒருவரும் முன்னாள் மத்திய வெளியுறவுத்துறை அமைச்சருமான சுஷ்மா ஸ்வராஜ் மரணம் அடைந்த நிலையில் தற்போது மேலும் ஒரு பாஜகவை சேர்ந்த முன்னாள் அமைச்சர் அருண்ஜெட்லி காலமாகியுள்ளது அக்கட்சிக்கு பேரிழப்பாக கருதப்படுகிறது.

கடந்த 2014ஆம் ஆண்டு முதல் 2019ஆம் ஆண்டு வரை நிதியமைச்சராக இருந்த அருண் ஜெட்லி, கடந்த 2009ஆம் ஆண்டு முதல் 2014ஆம் ஆண்டு வரை ராஜ்யசபாவின் எதிர்க்கட்சி தலைவராகவும் இருந்தார். வாஜ்பாய் அமைச்சரவையில் சட்ட அமைச்சராகவும் அருண்ஜெட்லி பணியாற்றியிருந்தார் என்பது குறிப்பிடத்தக்கது

அருண்ஜெட்லியின் மறைவுக்கு தேசிய மற்றும் மாநில தலைவர்கள் இரங்கல் தெரிவித்து வருகின்றனர்.

Get Breaking News Alerts From IndiaGlitz