ராம்சரண் தேஜா நாயகனாக நடித்த ’கேம் சேஞ்சர்’ திரைப்படத்திற்கு பிரபல இசையமைப்பாளர் இசையமைத்திருந்த நிலையில் அவரை சமூக வலைதளத்தில் அன்ஃபாலோ செய்திருப்பது பெரிய பரபரப்பை ஏற்படுத்தியுள்ளது.

ஷங்கர் இயக்கத்தில், ராம்சரண் தேஜா நடிப்பில் சமீபத்தில் வெளியான "கேம் சேஞ்சர்" திரைப்படம் எதிர்பார்ப்பை பூர்த்தி செய்யவில்லை. மேலும், இந்த படம் வசூல் அளவில் தோல்வியடைந்ததாக கூறப்பட்டது.

இந்நிலையில், தெலுங்கின் முன்னணி இசையமைப்பாளர், தமன் பல பெரிய பட்ஜெட் திரைப்படங்களுக்கும் இசையமைத்து வரும் நிலையில் ‘கேம் சேஞ்சர்’ படத்திற்கும் அவர் தான் இசையமைத்திருந்தார். சமீபத்தில் அவர் அளித்த பேட்டியில், "நான் கம்போஸ் செய்த பாடல்கள் நன்றாக இருந்தன. ஆனால், ஹிட்டாகவில்லை. காரணம், நல்ல நடன அசைவுகளும் ஹூக் ஸ்டெப்ஸ்களும் இல்லாததே" என்று தெரிவித்துள்ளார்.

அவரது இந்த கருத்து பரபரப்பை ஏற்படுத்திய நிலையில், இசையமைப்பாளர் தமன் மீது படக்குழுவினர் அதிருப்தி அடைந்ததாக கூறப்பட்டது. இந்த நிலையில் அவரது சமூக வலைதள கணக்கை ராம் சரண் தேஜா அன்ஃபாலோ செய்துள்ளார். இதனால், ரசிகர்கள் மத்தியில் அதிர்ச்சி ஏற்பட்டுள்ளது.