close
Choose your channels

'இவன் தந்திரன்' ஓப்பனிங் வசூல் விபரம்

Monday, July 3, 2017 • தமிழ் Comments

கவுதம் கார்த்திக், ஆர்ஜே பாலாஜி நடிப்பில் ஆர்.கண்ணன் தயாரித்து இயக்கிய 'இவன் தந்திரன்' திரைப்படம் கடந்த வெள்ளியன்று வெளியாகி ஊடகங்கள் மற்றும் சமூக வலைத்தளங்களின் பாசிட்டிவ் ரிசல்ட்டை பெற்றது. பொறியியல் கல்லூரி மாணவர்கள் நிலைமையை மிக அழகாக எடுத்து கூறியதால் கடந்த மூன்று நாட்களாக திரையரங்குகளில் மாணவர்கள் மற்றும் இளைஞர்கள் கூட்டம் அதிகரித்திருந்தது.

இந்த படம் சென்னையில் கடந்த வார இறுதி நாட்களில் 18 திரையரங்குகளில் 156 காட்சிகள் திரையிடப்பட்டு ரூ.45,95,340 வசூல் செய்தது. திரையரங்குகளில் 90% பார்வையாளர்கள் இருந்தனர்.

இந்த படத்தின் வசூல் நாளுக்கு நாள் உயர்ந்து கொண்டே வந்த நிலையில் துரதிஷ்டவசமாக இன்று முதல் திரையரங்குகள் வேலைநிறுத்தம் காரணமாக நேற்றுடன் வசூல் முடிவுக்கு வரும் நிலை ஏற்பட்டுள்ளது. திரையரங்க வேலைநிறுத்தம் முடிந்தவுடன் மீண்டும் இந்த படம் திரையிடப்பட்டால் திருப்தியான வசூல் கிடைக்குமா? என்பதை பொறுத்திருந்து பார்ப்போம்.

Get Breaking News Alerts From IndiaGlitz