అసత్య ఆరోప‌ణ‌లు ఆప‌మంటున్నహీరోయిన్‌
- IndiaGlitz, [Tuesday,November 27 2018]
త‌మిళ న‌టి గాయ‌త్రి రఘురాం త‌ప్ప తాగి డ్రైవింగ్ చేస్తూ ఆడ‌యార్‌లో పోలీసుల‌కు చిక్కింది. పోలీసుల‌తో వాగ్వాదం చేసింది. ఆమెకు పోలీసులు రూ.3500 జ‌రిమానా విధించార‌ని వార్త‌లు వినిపించాయి. అయితే ఆ వార్త‌ల్లో నిజం లేదని గాయ‌త్రీ రఘురాం తెలియ‌జేసింది.
త‌న‌కు వారం రోజులుగా ఆరోగ్యం స‌రిగ్గా లేదని, తీవ్ర‌మైన జ‌లుబు, ద‌గ్గుతో ఇబ్బందితో ప‌డుతున్నాన‌ని గాయ‌త్రి ట్విట్ట‌ర్ ద్వారా తెలిపారు.
అంతే కాకుండా మ‌ద్యం మ‌త్తులోని త‌న స్నేహితుల‌ను త‌నే ఇంటికి తీసుకెళ్లిన‌ట్లు కూడా గాయ‌త్రీ తెలియ‌జేశారు. త‌న‌పై సోష‌ల్ మీడియాలో వ‌స్తున్న వార్త‌ల్లో నిజం లేదని తెలిపారు గాయ‌త్రీ ర‌ఘ‌రాం.