விஜய் நடித்த 'சச்சின்' திரைப்படம் 20 ஆண்டுகளுக்குப் பிறகு மீண்டும் ரீலீஸ் ஆக இருப்பதாக சமீபத்தில் அறிவிப்பு வெளியானது. இந்நிலையில் இந்த படத்தின் நாயகியான நடிகை ஜெனிலியா, தனது சமூக வலைதளத்தில் ஒரு நெகிழ்ச்சியான பதிவை மேற்கொண்டுள்ளார். அந்த பதிவு தற்போது இணையத்தில் வைரல் ஆகி வருகிறது.

விஜய் நடிப்பில், ஜான் இயக்கத்தில், கலைப்புலி எஸ் தாணு தயாரிப்பில் உருவான 'சச்சின்' திரைப்படம் கடந்த 2005 ஆம் ஆண்டு தமிழ் புத்தாண்டு விருந்தாக வெளியானது. 6 கோடி ரூபாய் பட்ஜெட்டில் உருவாக்கப்பட்ட இந்த படம், 24 கோடி வசூல் செய்து சாதனை செய்தது என்பது தெரிந்தது.

இந்த நிலையில், 'சச்சின்' திரைப்படம் வரும் கோடை விடுமுறையில் ரீரிலீஸ் செய்யப்படும் என்று சமீபத்தில் தயாரிப்பாளர் தாணு அறிவித்தார். இதையடுத்து, படத்தின் நாயகியான ஜெனிலியா தனது சமூக வலைதளத்தில் ஒரு பதிவு செய்துள்ளார்.

அந்த பதிவில், "சச்சின் திரைப்படத்திற்கு என்றுமே என் மனதில் ஒரு சிறப்பான இடம் உண்டு. இந்த படத்திற்காக என்னை தேர்வு செய்ததற்கு நன்றி. படப்பிடிப்பு நாட்கள் முழுவதும் என்னை நீங்கள் நல்லபடியாக பார்த்துக் கொண்டீர்கள், அதற்கும் நன்றி. இதுநாள் வரை நான் பங்கேற்ற படப்பிடிப்புகளில் மிகச் சிறந்த அனுபவம் 'சச்சின்' படப்பிடிப்பில் இருந்தது." என்று பதிவு செய்துள்ளார். இந்த பதிவு தற்போது இணையத்தில் வைரல் ஆகி வருகிறது.

Sachein - Has my heart always 💚 https://t.co/8H278xtKqO

— Genelia Deshmukh (@geneliad) February 17, 2025