ஸ்கேட்டிங் செய்யும்போது விழுந்து வாரிய விஜய் பட நாயகி… அதிர்ச்சி வீடியோ!
- IndiaGlitz, [Wednesday,March 10 2021]
தமிழில் இயக்குநர் ஷங்கர் படமான “பாய்ஸ்“ படத்தில் அறிமுகமானவர் நடிகை ஜெனிலியா. இவர் தளபதி விஜய் நடித்த “சச்சின்“ படத்தின் மூலமாக தமிழ் ரசிகர்களின் மனதை கொள்ளை கொண்டார். அப்படத்தின் ஷாலினியையும் “சந்தோஷ் சுப்பிரமணியம்“ படத்தின் ஹாசினியையும் இன்னும் தமிழ் ரசிகர்கள் மறந்து இருக்க முடியாது. இப்படி தன்னடைய க்யூட் நடிப்பினால் வலம் வந்தவர் அடுத்து “உத்தரமபுத்திரன்“, “வேலாயுதம்“ போன்ற ஒரு சில படங்களில் நடித்து இருந்தார்.
தமிழ் தவிர தெலுங்கு, இந்தி போன்ற மொழிப் படங்களிலும் இவர் கவனம் செலுத்தி முன்னணி நடிகையாக இருந்து வந்தார். பின்னர் தன்னுடன் நடித்த இந்தி நடிகர் ரித்தேஷ் தேஷ்முக்கை திருமணம் செய்து கொண்டு தற்போது இரண்டு ஆண் குழந்தைகளுடன் சந்தோஷமாக தன்னுடைய வாழ்க்கையை நடத்தி வருகிறார்.
எப்போதும் குடும்பம், குழந்தைகள், திரைப்பட விழாக்கள் என இன்றைக்கும் தனக்கே உரிய குறும்பு தனங்களோடு வலம் வரும் ஜெனிலியா தன்னுடைய குழந்தைகளுக்காக ஸ்கேட்டிங் கற்றுக் கொண்டு இருக்கிறார். இப்படி தான் கற்றுக்கொண்ட ஸ்கேட்டிங் திறமையை வீடியோவாக எடுத்து சமூக வலைத்தளத்தில் வெளியிடலாம் என எண்ணியிருக்கிறார். ஆனால் இது கடைசியில் அவருக்கே டிவிஸ்டாக முடிந்து இருக்கிறது. ஸ்கேட்டிங் செய்யும்போது நிலை தடுமாறி தற்போது கையில் எலும்பு முறிவு ஏற்பட்டு இருக்கிறது.
ஆனால் தனக்கு ஏற்பட்ட இந்த வலியையும் பொருட்படுத்தாத ஜெனிலியா எப்போதும் போல அதே குறும்பு சிரிப்புடன் இந்த வெற்றிக் கதை தோல்வியில் முடிந்து விட்டது. ஆனால் தொடர்ந்து ஸ்கேட்டிங் செய்வேன் எனக் கூறி வீடியோ பதிவிட்டு இருக்கிறார். இந்த வீடியோவை பார்த்த ரசிகர்கள் “ஹாசினி” கொஞ்சம் கூட மாறவில்லை என கமெண்ட் பதிவிட்டு வருகின்றனர்.