கன்னட சூப்பர் ஸ்டார் சிவராஜ் குமார் நடிப்பில் உருவான ‘கோஸ்ட்’ என்ற திரைப்படம், விஜய் நடித்த ’லியோ’ வெளியாகும் அக்டோபர் 19ஆம் தேதி தமிழ் உட்பட ஐந்து மொழிகளில் வெளியாக உள்ளது.

இந்த நிலையில் இந்த படத்தின் டிரைலர் சற்றுமுன் இணையதளங்களில் வெளியாகி வைரல் ஆகி வருகிறது. பெரும்பாலும் சிறையில் நடப்பதாக இந்த படத்தின் கதை அம்சம் இருக்கிறது என்பது டிரைலரில் இருந்து தெரிய வருகிறது.

சிவராஜ் குமார் உடன் அனுபவம் கெர், ஜெயராம் போன்ற சீனியர் நடிகர்களும், பிரசாந்த் நாராயணன், அர்ச்சனா ஜோய்ஸ், சத்யபிரகாஷ் உட்பட பலர் நடிப்பில் உருவான இந்த படத்தை ஸ்ரீனிவாஸ் இயக்கியுள்ளார்.

அர்ஜுன் ஜான்யா இசையில் உருவான இந்த படத்தின் சிங்கிள் பாடல் சமீபத்தில் வெளியாகி நல்ல வரவேற்பை பெற்றது. அதிரடி ஆக்சன் திரைப்படம் ‘கோஸ்ட்’ மிகப்பெரிய எதிர்பார்ப்பை ஏற்படுத்தி உள்ளது என்பது குறிப்பிடத்தக்கது.