close
Choose your channels

கமல்ஹாசனின் 'விக்ரம்' படத்தில் இணைந்த பிரபலம்: லோகேஷ் கனகராஜ் அறிவிப்பு!

Friday, July 2, 2021 • தமிழ் Comments

உலகநாயகன் கமலஹாசன் நடிக்கவிருக்கும் ‘விக்ரம்’ படம் குறித்த தகவல்களை அவ்வப்போது இயக்குனர் லோகேஷ் கனகராஜ் தனது சமூக வலைத்தளத்தில் தெரிவித்து வருகிறார் என்பதை பார்த்து வருகிறோம். அந்த வகையில் சற்று முன் ‘விக்ரம்’ படத்தின் ஒளிப்பதிவாளர் கொடுத்த தகவலை தெரிவித்துள்ளார்.

‘விக்ரம்’ படத்தின் ஒளிப்பதிவாளர் க்ரிஷ் கங்காதரன் என லோகேஷ் கனகராஜ் அறிவித்துள்ளார். இவர் ஏற்கனவே தளபதி விஜய்யின் ‘சர்கார்’ மற்றும் ஒருசில மலையாள படங்களுக்கு ஒளிப்பதிவு செய்தவர் என்பது குறிப்பிடத்தக்கது.

கமல்ஹாசனின் படத்தில் ஏற்கனவே விஜய்சேதுபதி, பகத் பாசில், அர்ஜுன் தாஸ் மற்றும் நரேன் ஆகிய நான்கு வில்லன்கள் நடிக்க இருப்பதாக செய்திகள் வெளியாகி உள்ள நிலையில் இந்த படத்தில் நடிக்கும் நடிகர்கள் குறித்த அறிவிப்பு மிக விரைவில் வெளியாகும் என லோகேஷ் கனகராஜ் தெரிவித்துள்ளார். மேலும் இந்த படத்தின் படப்பிடிப்பு மிக விரைவில் தொடங்கப்படும் என்றும், அதற்கான ஆரம்பகட்ட பணிகள் தற்போது நடைபெற்றுக் கொண்டிருப்பதாக கூறப்படுகிறது.

கடந்த சில மாதங்களுக்கு முன்னர் ‘விக்ரம்’ படத்தின் டீசர் வெளியாகி மிகப்பெரிய அளவில் வைரல் ஆனது என்பதும் இந்த படத்தின் எதிர்பார்ப்பு அதிகரித்தது என்பது குறிப்பிடத்தக்கது. இந்த படத்தை கமல்ஹாசனின் ராஜ்கமல் பிலிம்ஸ் இன்டர்நேஷனல் என்ற நிறுவனம் தயாரிக்கிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz