close
Choose your channels

திட்டமிட்டபடி காட்மேன் தொடர் வெளியாகுமா? ஜீ நிறுவனம் அதிரடி அறிவிப்பு

Monday, June 1, 2020 • தமிழ் Comments

இயக்குனர் பாபு யோகேஸ்வரன் இயக்கத்தில் டேனியல் பாலாஜி, சோனியா அகர்வால், ஜெயப்பிரகாஷ் நடிப்பில் உருவான ’காட்மேன்’ வெப்தொடர் வரும் 12ஆம் தேதி வெளியாகும் என ஏற்கனவே அறிவித்திருந்த நிலையில் இந்த தொடர் வெளியிடுவது குறித்த அறிவிப்பு ஒன்றை ஜீ நிறுவனம் சற்றுமுன் வெளியிட்டுள்ளது.

சமீபத்தில் வெளியான காட்மேன் வெப்தொடரின் டீசரில் அளவுக்கு அதிகமான ஆபாச காட்சிகள் இருப்பதாகவும், ஒரு குறிப்பிட்ட சமூகத்தையும் மதத்தையும் இழிவுபடுத்தும் காட்சிகள் இருப்பதாகவும் குற்றம் சாட்டப்பட்ட நிலையில் இது குறித்து பல்வேறு காவல் நிலையங்களில் புகார் அளிக்கப்பட்டது.

இந்த புகார்களின் அடிப்படையில் காட்மேன் வெப்தொடரின் இயக்குநர் பாபுயோகேஸ்வரன் மற்றும் தயாரிப்பாளர் மீது போலீஸ் வழக்குப் பதிவு செய்துள்ளது. மேலும் காட்மேன் வெப்தொடரில் நடித்த நடிகர், நடிகைகளுக்கும் நோட்டீஸ் அனுப்பப்பட்டுள்ளதாகவும் இந்த தொடரில் சம்பந்தப்பட்ட அனைவரும் சென்னை மத்திய குற்றப்பிரிவு போலீசார் முன் ஆஜராகி விளக்கம் அளிக்க வேண்டும் என சம்மன் அனுப்ப்பட்டுள்ளதாகவும் தகவல்கள் வெளிவந்தன.

இந்த நிலையில் வரும் 12ம் தேதி வெளியாகும் என அறிவிக்கப்பட்டிருந்த காட்மேன் தொடர் வெளியாகாது என்று ஜீ நிறுவனம் சற்றுமுன் அறிவித்துள்ளது. இந்த தொடரின் வழக்குகள் குறித்த பிரச்சனை முடிந்த பின்னரே இந்த தொடர் வெளியாகும் என கூறப்படுகிறது.
 

Get Breaking News Alerts From IndiaGlitz