அஜித் நடித்த ‘விடாமுயற்சி’ திரைப்படம் சமீபத்தில் வெளியாகி ரசிகர்கள் மத்தியில் நல்ல வரவேற்பு பெற்ற நிலையில் ‘விடாமுயற்சி’ படத்தை விட 10 மடங்கு மாஸ் காட்சிகள் இந்த படத்தில் இருக்கும் என அஜித்தின் அடுத்த படமான ’குட் பேட் அக்லி’ படத்தின் ஸ்டண்ட் மாஸ்டர் கூறியிருப்பது பரபரப்பை ஏற்படுத்தி உள்ளது.

அஜித், த்ரிஷா, பிரசன்னா, சுனில், அர்ஜுன் தாஸ், பிரபு உள்பட பலர் நடிப்பில் உருவாகி வரும் திரைப்படம் ’குட் பேட் அக்லி’. இந்த படத்தின் பர்ஸ்ட் லுக், செகண்ட் லுக் ஆகிய போஸ்டர்கள் வெளியான நிலையில் ஏப்ரல் 10ஆம் தேதி இந்த படம் ரிலீஸ் ஆக இருப்பதால் அதற்கு முன்பே டீசர், ட்ரைலரை விட படக்குழுவினர் திட்டமிட்டுள்ளனர்.

இந்த நிலையில் சமீபத்தில் வெளியான ‘விடாமுயற்சி’ திரைப்படத்தில் அஜித்துக்கு மாஸ் காட்சிகள் இல்லை என்ற அதிருப்தி ரசிகர்கள் மத்தியில் இருந்த நிலையில் ’குட் பேட் அக்லி’ திரைப்படத்தின் ஸ்டண்ட் இயக்குனர் சுப்ரீம் சுந்தர் இதுகுறித்து கூறியபோது, ‘விடாமுயற்சி’ படத்தை விட பத்து மடங்கு அதிகமாக மாஸ் காட்சிகள் ’குட் பேட் அக்லி’ படத்தில் இருக்கும் என்று தெரிவித்துள்ளார்.

மேலும் நீங்கள் ’குட் பேட் அக்லி’படத்தை பார்க்க செல்லும் போது விக்ஸ் மட்டும் ஹால்ஸ் உங்களுக்கு தேவைப்படும், ஏனெனில் படம் முழுக்க நீங்கள் கத்திக் கொண்டே இருப்பீர்கள், அதனால் உங்களுக்கு தொண்டை வலி வந்து விடும்’ என்றும் அவர் கூறியிருப்பது பரபரப்பை ஏற்படுத்தி உள்ளது.