நடிகர் மணிகண்டன் நடித்த ’குட் நைட்’ திரைப்படம் கடந்த மே மாதம் வெளியாகி மிகப்பெரிய வரவேற்பை பெற்றது என்பதும் இந்த படம் வசூல் அளவில் மிகப்பெரிய லாபத்தை பெற்றதாகவும் கூறப்பட்டது. திரையரங்கை அடுத்து ஓடிடியில் வெளியாகி இந்த படம் ரசிகர்கள் மத்தியில் வரவேற்பை பெற்றது

இந்த நிலையில் கிட்டத்தட்ட ’குட் நைட்’ குழுவினர் மீண்டும் இணைந்துள்ளனர். ’குட் நைட்’ திரைப்படத்தை தயாரித்த மில்லியன் டாலர் ஸ்டூடியோஸ் எம்ஆர்பி என்டர்டெயின்மென்ட் நிறுவனம் தயாரிக்கும் அடுத்த படத்தின் அறிவிப்பு இன்று வெளியாகியுள்ளது

இந்த படத்திலும் மணிகண்டன் தான் நாயகன் என்பது குறிப்பிடத்தக்கது. கௌரி பிரியா ரெட்டி நாயகியாக நடிக்கும் இந்த படத்தை வியாஸ் இயக்க உள்ளார். ’குட் நைட்’ திரைப்படத்தில் இசையமைத்த சீன் ரோல்டன் இசையமைக்கும் இந்த படத்தின் பூஜை இன்று நடைபெற்ற நிலையில் நடிகர் விஜய் சேதுபதி கிளாப் அடித்து படத்தை தொடங்கி வைத்தார்.

’குட் நைட்’ குழுவினர் மீண்டும் இந்த படத்தில் இணைந்துள்ளதை அடுத்து இந்த படமும் வெற்றி படமாகும் என்று எதிர்பார்க்கப்படுகிறது