మిస్ట‌ర్ వార్త‌ల పై రైట‌ర్ కి కోపం వ‌చ్చింది..
- IndiaGlitz, [Monday,May 30 2016]
మెగా హీరో వ‌రుణ్ తేజ్ హీరోగా శ్రీను వైట్ల ద‌ర్శ‌క‌త్వంలో రూపొంద‌నున్న చిత్రం మిస్ట‌ర్. ఈ చిత్రానికి న‌ల్ల‌మ‌ల‌పు బుజ్జి నిర్మాత. గ‌త నెలాఖ‌రున పూజా కార్య‌క్ర‌మాల‌తో ఈ చిత్రాన్ని ప్రారంభించారు. ఈ నెల‌లో స్పెయిన్ లో షూటింగ్ చేయ‌డానికి ప్లాన్ చేసారు. అయితే...ఏమైందో ఏమో కానీ...అనుకున్న డేట్ కి మిస్ట‌ర్ స్పెయిన్ షెడ్యూల్ ప్రారంభం కాలేదు. ఇదిలా ఉంటే...వ‌రుణ్ తేజ్ శేఖ‌ర్ క‌మ్ముల ద‌ర్శ‌క‌త్వంలో న‌టించేందుకు అంగీక‌రించారు. ఈ చిత్రాన్ని దిల్ రాజు నిర్మించ‌నున్నారు. దీంతో వ‌రుణ్ తేజ్ కి మిస్ట‌ర్ సెకండాఫ్ న‌చ్చ‌లేద‌ని అందుక‌నే ఈ సినిమాను ప‌క్క‌న‌పెట్టి శేఖ‌ర్ క‌మ్ముల‌కు అవ‌కాశం ఇచ్చార‌ని ప్ర‌చారం జ‌రుగుతుంది.
అయితే...మిస్ట‌ర్ పై వ‌స్తున్న వార్త‌ల పై మిస్ట‌ర్ చిత్ర ర‌చ‌యిత గోపీ మోహన్ ట్విట్ట‌ర్ లో స్పందించారు. సినిమా టీమ్ కాకుండా వెబ్ సైట్స్ కి న్యూస్ ఎవ‌రు ఇస్తారో తెలియ‌డం లేదు. నెగిటివ్ న్యూస్ ని ప్ర‌చారం చేస్తూ ఎంజాయ్ చేస్తుంటారు. వాళ్ల‌కి అదో స‌ర‌దా. రూమ‌ర్స్ కి కాల‌మే స‌మాధానం చెబుతుంది అంటూ స్పందించారు. ఇదంతా చూస్తుంటే...గోపీమోహ‌న్ కి కోపం వ‌చ్చింది అని అర్ధం అవుతుంది.ఈ విషయం పై గోపీమోహ‌న్ ని సంప్ర‌దిస్తే...మిస్ట‌ర్ జూన్ 10న ప్రారంభం అని తెలియ‌చేసారు. మ‌రి...గోపీ చెప్పిన‌ట్టు జూన్ 10న మిస్ట‌ర్ ప్రారంభం అవుతుందని ఆశిద్దాం.