close
Choose your channels

கொரோனாவிற்கு பலியான கிராமி விருது பெற்ற பிரபலம்: ரசிகர்கள் அதிர்ச்சி

Thursday, April 9, 2020 • தமிழ் Comments

உலகம் முழுவதும் மனித இனத்தையே அச்சுறுத்தி வரும் கொரோனா வைரஸ் ஏழை பணக்காரர் முதல் பாமரன் முதல் பதவியில் இருப்பவர்கள் வரை அனைவரும் பாகுபாடின்றி தாக்கி வருகிறது என்பதும் இதில் பல பிரபலங்கள் உயிரிழந்துள்ளார்கள் என்பதும் அதிர்ச்சிக்குரிய தகவல்கள் ஆகும்.

இந்த நிலையில் கொரோனா வைரஸால் ஒருசில ஹாலிவுட் பிரபலங்களும் உயிரிழந்துள்ளனர். ஏற்கனவே பிரபல ஹாலிவுட் நடிகர் ஜான் பெனடிக் என்பவர் கொரோனா வைரசால் பாதிக்கப்பட்டு உயிரிழந்த நிலைய்ல் தற்போது மற்றொரு ஹாலிவுட் பிரபலம் கொரோனாவுக்கு பலியாகியுள்ளார்

ஹாலிவுட்டை சேர்ந்த பாடகர் மற்றும் பாடலாசிரியருமான ஜான்பிரின் என்பவர் கொரோனாவால் மரணம் அடைந்துள்ளதாக வெளிவந்துள்ள செய்தி பெரும் அதிர்ச்சியை ஏற்படுத்தியுள்ளது. 73 வயதான ஜான்பிரின் அவர்களுக்கு கடந்த 17ஆம் தேதி கொரோனா வைரஸ் அறிகுறிகள் இருந்ததை அடுத்து அவர் மருத்துவமனையில் அனுமதிக்கப்பட்டு சிகிச்சை பெற்று வந்தார். மருத்துவர்கள் அவருக்கு தீவிர சிகிச்சை அளித்து வந்த நிலையில் சிகிச்சை பலனின்றி அவர் நேற்று உயிரிழந்தார்

இரண்டு முறை கிராமி விருது பெற்ற அவருடைய மறைவை ரசிகர்களால் ஜீரணிக்க முடியவில்லை சமூக வலைதளங்களில் அவருக்கு ரசிகர்கள் தங்களது இரங்கலைத் தெரிவித்து வருகின்றனர்.

Get Breaking News Alerts From IndiaGlitz