சமூக வலைதளங்களில் சிலர் மிகவும் சிறப்பாக பாடிய பாடல்கள் வைரலாகும் நிலையில் அந்த பாடல்கள் இசை அமைப்பாளர்களின் கவனத்தை பெற்று அவர்களுக்கு திரைப்படங்களில் பாட வாய்ப்பு கிடைத்த பல நிகழ்வுகளை நாம் பார்த்திருக்கிறோம்.

குறிப்பாக திருமூர்த்தி என்ற மாற்றுத்திறனாளி ஒருவர் பாடிய விஸ்வாசம் படத்தின் ’கண்ணான கண்ணே’ பாடல் மிகப் பெரிய ஹிட்டான நிலையில் அவருக்கு இசையமைப்பாளர் டி இமான் வாய்ப்பு கொடுத்து இருந்தார் என்பது குறிப்பிடத்தக்கது.

அந்த வகையில் தற்போது சமூக வலைதளங்களில் பூம்பூம் மாட்டுக்காரர் ஒருவரின் இசை அனைவரையும் கவர்ந்த நிலையில் இந்த வீடியோவை சமீபத்தில் பார்த்த இசையமைப்பாளர் ஜிவி பிரகாஷ் ’இந்த நபரை கண்டுபிடிக்க முடிந்தால், நாம் அவரை பாடல் பதிவுக்கு பயன்படுத்திக் கொள்ளலாம். அவரது இசைக்குறிப்புகள் மிகவும் திறமையாகவும் துல்லியமாகவும் இருக்கின்றன’ என்று குறிப்பிட்டுள்ளார். அந்த பூம்பூம் மாட்டுக்காரருக்கு அதிர்ஷ்டம் இருந்தால் அவர் ஜிவி பிரகாஷ்க்கு பணிபுரிவார் என்பது குறிப்பிடத்தக்கது.

View this post on Instagram

A post shared by G.V.Prakash Kumar (@gvprakash)