கவுதம் மேனன் - விக்ரம் படம் குறித்த புதிய தகவல்
- IndiaGlitz, [Thursday,November 24 2016]
பிரபல இயக்குனர் கவுதம் மேனன் தற்போது இயக்கி வரும் 'எனை நோக்கி பாயும் தோட்டா' படத்தை அடுத்து விக்ரமுடன் இணையவுள்ளார் என்று வெளிவந்த செய்தியை காலையில் பார்த்தோம். இந்நிலையில் இந்த படம் கவுதம் மேனன் இயக்கத்தில் சூர்யா நடிப்பதாக இருந்த 'துருவ நட்சத்திரம்' என்று கூறப்படுகிறது.
கடந்த சில ஆண்டுகளுக்கு முன்னர் கவுதம் மேனனுக்கும் சூர்யாவுக்கும் ஏற்பட்ட கருத்து வேறுபாடு காரணமாக நிறுத்தப்பட்ட இந்த படம் தற்போது மீண்டும் தொடங்கவுள்ளதாக கூறப்படுகிறது. இந்த படத்தில் விக்ரமுடன் முன்னணி பாலிவுட் நடிகர் ஒருவர் நடிக்கவுள்ளதாகவும் இதுகுறித்து பேச்சுவார்த்தை நடத்தப்பட்டு வருவதாகவும் கவுதம்மேனன் தரப்பு தெரிவித்துள்ளது.
முழுக்க முழுக்க அமெரிக்காவில் பிரமாண்டமான தயாராகவுள்ள இந்த படத்தை அவருடைய 'ஒன்றாக எண்டர்டெயின்மெண்ட்' நிறுவனம் தயாரிக்கவுள்ளது. இந்த படம் குறித்த அறிவிப்பு மிக விரைவில் வெளியாகவுள்ளதாக கூறப்படுகிறது