మెగా హీరోతో ఐటం సాంగ్ చేస్తున్న హంస
- IndiaGlitz, [Wednesday,December 16 2015]
యంగ్ రెబల్ స్టార్ ప్ర‌భాస్ తో మిర్చి సినిమాలో ఐటంసాంగ్ తో ఆక‌ట్టుకుని మంచి గుర్తింపు తెచ్చుకుంది హంసానందిని. హీరోయిన్ గా అవ‌కాశాలు రాక‌పోయినా...ఐటం సాంగ్స్ కి మాత్రం అవ‌కాశాలు ద‌క్కించుకుంటుంది. ప‌వ‌ర్ స్టార్ ప‌వ‌న్ క‌ళ్యాణ్ తో అత్తారింటికి దారేది సినిమాలో ఐటం సాంగ్ చేసి మ‌రింత పాపుల‌ర్ అయ్యింది హంస. లెజెండ్, లౌక్యం, బెంగాల్ టైగ‌ర్...ఇలా ఐటం సాంగ్స్ తో ఆక‌ట్టుకుంటున్న హంస తాజాగా మెగా హీరో సినిమాలో ఐటం సాంగ్ చేయ‌నుంది.
ఇంత‌కీ ఆ మెగా హీరో ఎవ‌ర‌నుకుంటున్నారా..? అల్లు శిరీష్. ప‌రుశురామ్ దర్శకత్వంలో అల్లు శిరీష్ ఓ చిత్రం చేస్తున్నారు. గీతా ఆర్ట్స్ బ్యాన‌ర్ పై అల్లు అర‌వింద్ ఈ చిత్రాన్ని నిర్మిస్తున్నారు. ఇందులో హంస‌నందినితో ఐటం సాంగ్ ప్లాన్ చేస్తున్నారు. శ‌ర‌వేగంగా షూటింగ్ జ‌రుపుకుంటున్న ఈ చిత్రాన్ని స‌మ్మ‌ర్ లో రిలీజ్ చేయ‌డానికి ప్లాన్ చేస్తున్నారు.హంస ఐటం సాంగ్ చేస్తే..సినిమా హిట్టే..మ‌రి హంస సెంటిమెంట్ వ‌ర్క‌వుట్ అయి అల్లు శిరీష్ స‌క్సెస్ సాధిస్తాడేమో చూడాలి.