விஜய், சூர்யா, சிவகார்த்திகேயன், சிம்பு, தனுஷ் உள்பட பல பிரபல நடிகர்களுடன் இணைந்து நடித்த ஹன்சிகா தற்போது நாயகிக்கு முக்கியத்துவம் உள்ள கதையம்சம் கொண்ட திரைப்படமான 'மஹா' படத்தில் நடித்து வருகிறார். இந்த படத்தின் படப்பிடிப்பு விறுவிறுப்பாக நடைபெற்று வருகிறது.

இந்த நிலையில் இந்த படத்தின் ஆக்சன் காட்சி ஒன்றில் டூப் இன்றி நடிகை ஹன்சிகா நடித்து கொண்டிருந்தபோத், திடீரென எதிர்பாராத வகையில் அவருடைய கையில் காயம் ஏற்பட்டது. கையில் ரத்தம் வந்த நிலையில் படக்குழுவினர் அவருக்கு முதலுதவி சிகிச்சை அளித்து அவரை வீட்டிற்கு சென்று ஓய்வு எடுக்குமாறு கூறினர். ஆனால் வலியையும் பொருட்படுத்தாமல் தொடர்ந்து அன்றைய படப்பிடிப்பு முடியும் வரை ஹன்சிகா நடித்து முடித்தார்.

ஹன்சிகா, ஸ்ரீகாந்த், தம்பி ராமையா, கருணாகரன், நாசர், ஜெயபிரகாஷ், சாயாசிங் உள்பட பலர் நடித்து வரும் இந்த படத்தை ஜமீல் இயக்கி வருகிறார். இந்த படத்திற்கு ஜிப்ரான் இசையமைத்து வருகிறார்.