హ్యాఫీ బర్త్ డే జెస్సీ..
- IndiaGlitz, [Thursday,April 28 2016]
ఏమాయ చేసావే...చిత్రంతో తెలుగు తెర‌కు ప‌రిచ‌య‌మైన క‌థానాయిక స‌మంత. తొలి చిత్రంతోనే త‌న అందం - అభిన‌యంతో ఆక‌ట్టుకుని మంచి గుర్తింపు ఏర్పరుచుకుంది. ఏమాయ చేసావే తర్వాత బృందావ‌నం, దూకుడు, ఈగ, సీత‌మ్మ‌వాకిట్లో సిరిమ‌ల్లె చెట్టు...ఇలా త‌ను న‌టించిన ప్ర‌తి సినిమా సక్సెస్ సాధించింది. క‌రెక్ట్ గా చెప్పాలంటే...స‌మంత ఏమీ పెద్ద అంద‌గ‌త్తే.. కాదు. కానీ...ప్రేక్ష‌కులు, ద‌ర్శ‌క నిర్మాత‌లు స‌మంతే కావాలంటున్నారు.
దీనికి కార‌ణం...స‌మంత అభిన‌యం. పాత్ర‌ను బాగా అర్ధం చేసుకుని...ఆ పాత్ర‌లో లీన‌మై న‌టిస్తుంది. అస‌లు న‌టిస్తుంది అన‌డం కంటే...జ‌స్ట్ బిహేవ్ చేస్తుంది..లేదా జీవిస్తుంది అన‌డం క‌రెక్ట్ ఏమో అనిపిస్తుంది. తెలుగు చ‌ల‌నచిత్ర చ‌రిత్ర‌లో క్లాసిక్ గా నిలిచిన చిత్రం మ‌నం. ఈ చిత్రంలో స‌మంత అభిన‌యం గురించి ఎంత చెప్పినా త‌క్కువే. ఈ చిత్రంలో రెండు విభిన్న‌మైన పాత్ర‌ల్లో అద్భుతం.. అనేలా న‌టించింది. ప్ర‌స్తుతం నితిన్ తో అ ఆ, మ‌హేష్ బాబుతో బ్ర‌హ్మోత్స‌వం, ఎన్టీఆర్ తో జ‌న‌తా గ్యారేజ్ చిత్రాల్లో న‌టిస్తుంది. త‌న అభిన‌యంతో తెలుగు ప్రేక్ష‌క హృద‌యాల్లో చెర‌గ‌ని ముద్ర వేసిన జెస్సీ (స‌మంత) హ్యాఫీ బర్త్ డే & ఆల్ ది బెస్ట్.