close
Choose your channels

'உள்ளத்தை அள்ளித்தந்த' சுந்தர் சி-க்கு பிறந்த நாள் வாழ்த்துக்கள்

Sunday, January 21, 2018 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

கோலிவுட் திரையுலகில் காமெடி, ஆக்சன் உள்பட பல பரிணாமங்களில் வெற்றி படங்களை இயக்கிய சுந்தர் சி அவர்கள் இன்று தனது பிறந்த நாளை கொண்டாடி வரும் வகையில் அவருக்கு IndiaGlitz சார்பில் எங்களது மனமார்ந்த பிறந்த நாள் நல்வாழ்த்துக்களை தெரிவித்து கொள்கிறோம்

'முறைமாமன்', 'முறை மாப்பிள்ளை' ஆகிய படங்களை சுந்தர் சி முதலில் இயக்கியிருந்தாலும், அவர் இயக்கத்தில் கார்த்திக், ரம்பா நடித்த 'உள்ளத்தை அள்ளித்தா' திரைப்படம் மிகப்பெரிய வெற்றி பெற்றது. இந்த வெற்றி தான் அவருக்கு ரஜினி நடித்த 'அருணாச்சலம்' படத்தை இயக்கும் வாய்ப்பையும் கொடுத்தது.

ரஜினியுடன் அருணாச்சலம், கமலுடன் அன்பே சிவம், சரத்குமார் 'ஜானகிராமன்', என பெரிய ஸ்டார்களை மட்டுமின்றி காமெடிக்கு முக்கியத்துவம் தரும் சின்ன பட்ஜெட் படங்களும் சுந்தர் சி-க்கு கைவந்த கலை. குறிப்பாக விமல், சிவா, அஞ்சலி, ஓவியா நடித்த 'கலகலப்பு' , சித்தார்த், ஹன்சிகா நடித்த 'தீயா வேலை செய்யணும் குமாரு' ஆகிய திரைப்படங்கள் மிகப்பெரிய வெற்றியை பெற்றது. தற்போது சுந்தர் சி, 'கலகலப்பு' படத்தின் இரண்டாம் பாகத்தையும் இயக்கி முடித்துள்ளார்.

மேலும் இந்திய சினிமாவின் குறிப்பிடத்தக்க ஒரு படமாக இருக்கும் என்று எதிர்பார்க்கப்படும் மிகப்பெரிய பட்ஜெட்டில் உருவாகவுள்ள 'சங்கமித்ரா' என்ற படத்தையும் சுந்தர் சி இயக்க திட்டமிட்டு அதற்கான ஆரம்பகட்ட பணியை செய்து வருகிறார். இந்த படம் அவரை வேற லெவலுக்கு கொண்டு செல்லும் என்று எதிர்பார்க்கப்படுகிறது.

 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.