பழம்பெரும் நடிகைக்கு பிறந்த நாள் வாழ்த்து கூறிய உலக நாயகன்
- IndiaGlitz, [Saturday,January 07 2017]
எம்.ஜி.ஆர், சிவாஜி, ஜெமினி கணேசன், எஸ்.எஸ்.ராஜேந்திரன் போன்ற பழம்பெரும் நடிகர்களுக்கு ஜோடியாக நடித்தவரும் 'கன்னடத்து கிளி' என்று அழைக்கப்படுபவருமான பழம்பெரும் நடிகை சரோஜா தேவி இன்று தனது பிறந்த நாளை கொண்டாடி வருகிறார். அவருக்கு திரையுலகில் உள்ள முத்த கலைஞர்களும், இளையதலைமுறையினர்களும் வாழ்த்துக்கள் கூறி வருகின்றனர்.
இந்நிலையில் உலக நாயகன் கமல்ஹாசன் தனது சமூக வலைத்தளத்தில் சரோஜாதேவிக்கு பிறந்த நாள் வாழ்த்து கூறியுள்ளார். 'பிறந்த நாள் வாழ்த்துக்கள் சரோஜாதேவி அம்மா. நீங்கள் எப்போதும் மகிழ்ச்சியுடன் இருக்க விரும்புகிறேன். விரைவில் உங்களை சந்திக்கின்றேன்' என்று கமல்ஹாசன் தனது சமூக வலைத்தளத்தில் பதிவு செய்துள்ளார்.
கமல்ஹாசன் குழந்தை நட்சத்திரமாக இருந்தபோது சிவாஜிகணேசன், சரோஜாதேவி நடித்த 'பார்த்தால் பசிதீரும்' என்ற படத்தில் இரண்டு வேடங்களில் நடித்திருந்தார் என்பது குறிப்பிடத்தக்கது. அதன்பின்னர் சரோஜாதேவியுடன் கமல் நடிக்கவில்லை என்றாலும், அவர் மீது மிகுந்த மரியாதை வைத்திருப்பவர்களில் கமலும் ஒருவர் என்பது குறிப்பிடத்தக்கது.