హ్యాపీ బర్త్ డే టు రానా..
- IndiaGlitz, [Monday,December 14 2015]
లీడ‌ర్ సినిమాతో క‌థానాయ‌కుడుగా తెలుగు తెర‌కు ప‌రిచ‌య‌మైన యువ హీరో ద‌గ్గుబాటి రానా. శేఖ‌ర్ కమ్ముల ద‌ర్శ‌క‌త్వంలో రూపొందిన ఈ చిత్రాన్ని ప్ర‌ముఖ నిర్మాణ సంస్థ ఎ.వి.ఎం ప్రొడ‌క్ష‌న్స్ నిర్మించ‌డం విశేషం. ఇండ‌స్ట్రీలో టెక్నీషియ‌న్ గా రాణించాల‌నుకున్న రానా స‌డ‌న్ గా హీరో అయిపోయారు. అయితే తొలి చిత్రంతోనే తనదైన న‌ట‌న‌తో ఆక‌ట్టుకున్నాడు రానా. ఆత‌ర్వాత ద‌మ్ మారో ధ‌మ్, డిపార్టెమెంట్ త‌దిత‌ర హిందీ చిత్రాల్లో న‌టించి బాలీవుడ్ లో సైతం త‌న‌కంటూ ఓ గుర్తింపు ఏర్పరుచుకున్నాడు.
ఆత‌ర్వాత తెలుగులో నా ఇష్టం, క్రిష్ణం వందే జ‌గ‌ద్గురుమ్ చిత్రాల్లో న‌టించినా క‌మ‌ర్షియ‌ల్ స‌క్సెస్ మాత్రం ఆశించిన స్ధాయిలో రాలేదు. బిగ్ బ్రేక్ కోసం ఎద‌రుచూస్తున్న స‌మ‌యంలో వ‌చ్చిందే బాహుబ‌లి. ద‌ర్శ‌క‌థీర రాజ‌మౌళి తెర‌కెక్కించి విజువ‌ల్ వండ‌ర్ బాహుబ‌లి లో భ‌ల్లాల‌దేవ‌గా రానా న‌ట‌న అద్భుతం. తనదైన న‌ట‌న‌తో ఆక‌ట్టుకుని రానా ఒక్క తెలుగులోనే కాదు బాలీవుడ్ లో సైతం మంచి క్రేజ్ ఏర్పరుచుకున్నాడు. ఒక్క‌మాట‌లో చెప్పాలంటే బాహుబ‌లి రానా లైఫ్ నే మార్చేసింది. అలాగే గుణ శేఖ‌ర్ ఎంతో ప్ర‌తిష్టాత్మ‌కంగా తెర‌కెక్కించిన రుద్ర‌మ‌దేవిలో కూడా రానా న‌టించి మెప్పించారు. రెండు భారీ ప్ర‌తిష్టాత్మ‌క చిత్రాల్లో న‌టించి మంచి క్రేజ్ సంపాదించిన రానా పుట్టిన‌రోజు ఈరోజు. ఈ సంద‌ర్భంగా బర్త్ డే బాయ్ రానాకి బర్త్ డే విషెష్ తెలియ‌చేస్తుంది ఇండియా గ్లిట్జ్.కామ్