முதலிடத்தை பிடித்த 'ஹரிஹர மகாதேவி'
- IndiaGlitz, [Monday,October 09 2017]
கேளிக்கை வரிவிதிப்பு காரணமாக புதிய திரைப்படங்களை வெளிடுவதில்லை என்ற தமிழ் தயாரிப்பாளர் சங்கம் எடுத்த முடிவு காரணமாக கடந்த வெள்ளியன்று எந்த தமிழ்ப்படமும் வெளியாகவில்லை. இந்த நிலையில் கடந்த ஆயுதபூஜை திருநாளில் வெளியான படங்களில் கடந்த வார வசூலை பார்க்கும்போது கவுதம் கார்த்திக்கின் 'ஹரஹர மகாதேவகி' முதலிடம் பிடித்துள்ளது.
இந்த படம் கடந்த வார இறுதி நாட்களில் சென்னையில் 15 திரையரங்குகளில் 166 காட்சிகள் திரையிடப்பட்டு ரூ.51,64,392 வசூல் செய்துள்ளது. திரையரங்குகளில் 90% பார்வையாளர்கள் இருந்ததே இந்த படத்தின் வெற்றிக்கு சான்றாக உள்ளது.
மேலும் இந்த படம் கடந்த 29ஆம் தேதியில் இருந்து அக்டோபர் 7ஆம் தேதி அரை ரூ.1,32,95,516 வசூல் செய்துள்ளது. குறைந்த பட்ஜெட்டில் உருவான இந்த படம் கடந்த வார வசூலில் முதலிடம் பிடித்துள்ளது படக்குழுவினர்களுக்கு உற்சாகத்தை ஏற்படுத்தியுள்ளது.