close
Choose your channels

என்னை டீமில் சேர்க்காதீங்க… பாண்டியாவின்  திடீர் கோரிக்கைக்கு என்ன காரணம்?

Monday, November 29, 2021 • தமிழ் Sport News Comments

இந்தியக் கிரிக்கெட் அணியில் ஆல்ரவுண்டராக வலம்வரும் ஹர்திக் பாண்டியா தற்போது நடைபெற்று வரும் நியூசிலாந்துக்கு எதிரான இந்தியக் கிரிக்கெட் அணியில் இடம்பெறவில்லை. மேலும் தற்போது என்னை இந்திய அணியில் சேர்க்க வேண்டாம் என்று ஹர்திக் பாண்டியா பிசிசிஐயிடம் கோரிக்கை வைத்து இருக்கிறார். இந்தத் தகவல் தற்போது ரசிகர்களிடையே கடும் வியப்பை ஏற்படுத்தி இருக்கிறது.

இந்தியக் கிரிக்கெட் அணியில் சிறந்த பினிஷராகக் கருதப்படும் ஹர்திக் பாண்டியாவிற்கு ஏராளமான ரசிகர் பட்டாளம் உண்டு. மேலும் ஒரு சிறந்த பேட்ஸ்மேனாக மட்டுமல்லாமல் அணிக்கு சிறந்த பங்களிப்பை செய்துவந்தார். இதனால் ஒருநாள், டி20 மற்றும் டெஸ்ட் போட்டிகளிலும் தவிர்க்க முடியாத நபராக வலம் வந்த அவர் கடந்த சில வருடங்களாக காயம் காரணமாக பந்துவீச்சில் ஈடுபடாமல் இருந்துவந்தார். இதனால் அறுவை சிகிச்சையும் மேற்கொள்ளப்பட்டது.

கடந்த ஐபிஎல் போட்டியிலும் ஹர்திக் பாண்டியா பந்துவீச்சில் ஈடுபடவில்லை. இதனால் இந்திய அணியில் அவருடைய பங்குகுறித்து கேள்வி எழுப்பப்பட்டது. இதையடுத்து டி20 உலகக்கோப்பை கிரிக்கெட் போட்டியின்போது மெண்டர் தோனியின் ஆலோசனைப்படி அவர் பந்துவீசினார். ஆனாலும் தன்னை தக்கவைத்துக்கொள்ள ஹர்திக் திணறினார். இதையடுத்து பிசிசிஐ, நியூசிலாந்துக்கு எதிரான இந்திய அணியில் ஹர்திக் பாண்டியாவை தேர்வு செய்யாமல் விட்டுவிட்டது.

தற்போது தேசிய அகாடமியில் வந்து பயிற்சி எடுத்துக்கொள்ளுமாறு ஹர்திக் பாண்டியாவிற்கு பிசிசிஐ உத்தரவிட்டு உள்ளது. இதற்கு பதிலளித்த ஹர்திக் பாண்டியா தனக்கு ஏற்பட்ட காயம் இன்னும் முழுமையாக குணமாகவில்லை என்றும் தற்போது பந்துவீச்சில் முழு கவனம் செலுத்தி வருவதாகவும் குறிப்பிட்டுள்ளார்.

ஹர்திக் பாண்டியாவின் இந்தப் பதிலை கிரிக்கெட் ரசிகர்கள் பலரும் வரவேற்றுள்ளனர். காரணம் ஹர்திக் பாண்டியா ஒரு சிறந்த பேட்ஸ்மேனாக இருப்பதைவிட சிறந்த ஆல்ரவுண்டராகவே இருக்க வேண்டும். இதனால் முழு உடல் தகுதியை எட்டும்வரை தன்னை இந்திய அணிக்கு தேர்வு செய்ய வேண்டாம் என்று அவர் கேட்டுக்கொண்டது சரிதான் என்று கிரிக்கெட் விமர்சகர்களும் கருத்துத் தெரிவித்துள்ளனர்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz