கமல்ஹாசனின் 'விக்ரம்' படத்தில் இணைந்த மேலும் ஒரு பிரபல நடிகர்!
- IndiaGlitz, [Friday,November 19 2021]
உலகநாயகன் கமல்ஹாசன் நடிப்பில் இயக்குனர் லோகேஷ் கனகராஜ் இயக்கத்தில் உருவாகி வரும் திரைப்படம் ‘விக்ரம்’, இந்த படத்தின் அடுத்தகட்ட படப்பிடிப்பு தற்போது கோவையில் நடைபெற்று வருகிறது என்பதும் இந்த படப்பிடிப்பில் கமலஹாசன், விஜய் சேதுபதி, பகத் பாசில் மற்றும் பலர் கலந்து கொண்டுள்ளனர் என்பதும் குறிப்பிடத்தக்கது.
இந்த நிலையில் இந்த படத்தில் ஏற்கனவே பல பிரபல நடிகர்கள் அவ்வப்போது இணைந்து வருகின்றனர் என்பதை பார்த்து வருகிறோம். அந்த வகையில் தற்போது நடிகர் ஹரிஸ் பெராடி இணைந்து உள்ளதாக தகவல்கள் வெளிவந்துள்ளன. இவர் தற்போது நடைபெறும் வரும் கோவை படப்பிடிப்பில் கமல்ஹாசனுடன் கலந்து கொண்டு இருப்பதாகவும் தகவல்கள் வெளியாகியுள்ளன.
ஏற்கனவே லோகேஷ் கனகராஜ் இயக்கிய ’கைதி’ திரைப்படத்தில் ஹரிஸ் பெராடி முக்கிய வேடத்தில் நடித்திருந்தார் என்பது குறிப்பிடத்தக்கது. ’கைதி’ திரைப்படத்தை விட ‘விக்ரம்’ திரை படத்தில் அவருக்கு முக்கிய வேடம் என்றும் இந்த படம் அவருக்கு மிகப்பெரிய திருப்பத்தை கொடுக்கும் என்றும் எதிர்பார்க்கப்படுகிறது.