కోన చెప్పిన స్టార్ అత‌నేనా?
- IndiaGlitz, [Sunday,December 30 2018]
బాలీవుడ్‌లో మినిమం బ‌డ్జెట్‌తో తెర‌కెక్కిన 'బ‌రేలీ కీ బ‌ర్ఫీ' చిత్రం ఆర‌వై కోట్ల‌కు పైగా వ‌సూళ్ల‌ను సాధించి హిట్ చిత్రంగా నిలిచింది. ఆయుష్మాన్ ఖురానా, రాజ్‌కుమార్ రావ్‌, కృతిస‌న‌న్ హీరో హీరోయిన్లుగా న‌టించారు. అశ్వినీ అయ్యర్ తివారీ ద‌ర్శ‌కుడు. ప్ర‌స్తుత స‌మాచారం ప్ర‌కారం ఈ చిత్రాన్ని ప్ర‌ముఖ ర‌చ‌యిత, నిర్మాత కోన వెంక‌ట్ త‌న కోన ఫిలిం కార్పొరేష‌న్ బ్యాన‌ర్‌పై పీపుల్ మీడియా ఫ్యాక్ట‌రీతో సంయుక్తంగా రీమేక్ చేయాల‌నుకుంటున్నార‌ట.
త్వ‌ర‌లోనే ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. ఓ స్టార్ హీరోను ఈ రీమేక్‌లో న‌టింప చేయాల‌నేది కోన వెంక‌ట్ ఆలోచ‌న‌గా క‌నిపిస్తుంద‌ని వార్త‌లు వినిపించిన సంగ‌తి తెలిసిందే. అయితే తాజా స‌మాచారం ప్ర‌కారం ఈ చిత్రంలో అక్కినేని నాగచైతన్య న‌టించే అవ‌కాశాలు ఎక్కువ‌గా క‌న‌ప‌డుతున్నాయ‌ట. నిర్మాత‌లు చైత‌ను న‌టింప చేయ‌డానికి ప్ర‌య‌త్నాలైతే చేశార‌ట. చైతు కూడా సుముఖంగానే ఉన్న‌ట్లు స‌మాచారం. త్వ‌ర‌లోనే అధికారిక స‌మాచారం వెలువ‌డ‌నుంది.