ఫిల్మ్ ఛాంబ‌ర్ వ‌ద్ద నిరాహార దీక్ష చేస్తున్న హీరో..
- IndiaGlitz, [Friday,July 08 2016]
హైద‌రాబాద్ ఫిల్మ్ ఛాంబ‌ర్ వ‌ద్ద నిరాహార దీక్ష చేస్తున్న హీరో ఎవ‌రునుకుంటున్నారా..? లాహిరి లాహిరి లాహిరిలో..., ధ‌న‌ల‌క్ష్మి ఐ ల‌వ్ యు త‌దిత‌ర చిత్రాల్లో న‌టించిన ఆదిత్యా ఓం. తాజాగా మోడ్రన్‌ సినిమా బ్యానర్‌పై ఆదిత్యా ఓం స్వీయ దర్శకత్వంలో ఫ్రెండ్ రిక్వెస్ట్ అనే చిత్రాన్ని తెర‌కెక్కించారు.విజయ్ వర్మ పాక‌ల‌పాటి నిర్మాణ భాగ‌స్వామ్యంతో ఈ చిత్రాన్ని నిర్మించారు.సోష‌ల్ మీడియా బ్యాక్ డ్రాప్ తో రూపొందిన ఫ్రెండ్ రిక్వెస్ట్ చిత్రాన్ని ఈరోజు రిలీజ్ చేయ‌నున్న‌ట్టు ప్ర‌క‌టించారు.
అయితే...ఈ చిత్రానికి నైజాంలో 30 థియేట‌ర్స్ ఇస్తామ‌ని చెప్పిన డిస్ట్రిబ్యూట‌ర్స్ ఈరోజు మాట మార్చి కేవ‌లం 3 థియేట‌ర్స్ మాత్ర‌మే ఇస్తామ‌న్నార‌ట. దీంతో మాకు న్యాయం చేయాలంటూ ఫ్రెండ్ రిక్వెస్ట్ టీమ్ ఫిలిం ఛాంబ‌ర్ వ‌ద్ద నిర‌వ‌ధిక నిరాహార దీక్ష చేస్తున్నారు. మరి...ఈ వివాదం పై సినీ పెద్ద‌లు ఎలా స్పందిస్తారో చూడాలి.