బాలయ్య వందో సినిమా హీరోయిన్ ఎవరంటే..
- IndiaGlitz, [Saturday,January 23 2016]
డిక్టేట‌ర్ సినిమా సంక్రాంతి సంద‌ర్భంగా విడుదలైంది. ఇప్పుడు అంద‌రి చూపు బాలయ్య వందో సినిమాపై ఉంది. బాలయ్య త‌న వందో సినిమాను బోయపాటితో చేస్తాడ‌ని అంద‌రూ అనుకున్నారు. కానీ అంద‌రి అంచ‌నాల‌ను త‌లికిందులు చేస్తూ బాలయ్య త‌న వందో సినిమాను సింగీతం శ్రీనివాస‌రావు ద‌ర్శ‌క‌త్వంలో గ‌తంలో త‌ను న‌టించిన ఆదిత్య 369 చిత్రానికి సీక్వెల్‌గా చేయ‌బోతున్నాడు. ఈ విష‌యాన్ని బాలయ్య స్వ‌యంగా తెలియ‌జేయ‌డం విశేషం. అయితే ఇటీవ‌ల ఈ సినిమాలో అంజ‌లి హీరోయిన్‌గా న‌టిస్తుంద‌ని వార్త‌లు విన‌ప‌డ్డాయి. కానీ ఇప్పుడు హీరోయిన్‌గా తాప్సీ న‌టించ‌నుంద‌ని వార్త‌లు వెలువ‌డుతున్నాయి. మ‌రి అధికార‌కంగా హీరోయిన్ ఎవ‌రో తెలియాలంటే స‌మ‌యం ప‌ట్టేలా ఉంది.