బాల‌య్య మూవీలో న‌టించ‌డం లేదంటున్న హీరోయిన్
- IndiaGlitz, [Wednesday,January 27 2016]
నంద‌మూరి న‌ట‌సింహం బాల‌కృష్ణ 99వ సినిమా డిక్టేట‌ర్ సంక్రాంతి కానుక‌గా రిలీజై ప్రేక్ష‌కుల‌ను ఆక‌ట్టుకుంది. ఇక బాల‌య్య 100వ సినిమాను త్వ‌ర‌లో గ్రాండ్ గా ప్రారంభించ‌డానికి ప్లాన్ చేస్తున్నారు. బాల‌య్య 100వ సినిమాకి సీనియ‌ర్ డైరెక్ట‌ర్ సింగీతం శ్రీనివాస‌రావు ద‌ర్శ‌కుడ‌ని...ఆదిత్య 369 మూవీకి సీక్వెల్ గా ఆదిత్య 999 సినిమాని త్వ‌ర‌లో ప్రారంభించ‌నున్న‌ట్టు బాల‌య్య ప్ర‌క‌టించారు.
అయితే ఈ క్రేజీ మూవీలో బాల‌య్య స‌ర‌స‌న హీరోయిన్ తాప్సీ న‌టిస్తున్నట్టు ప్ర‌చారం ప్రారంభ‌మైంది. ఈ విష‌యం గురించి హీరోయిన్ తాప్సీని అడిగితే అలాంటిదేమీ లేదంటుంది. ఇటీవ‌ల సి.సి.ఎల్ మ్యాచ్ కు తాప్సీ వ‌చ్చిన‌ప్పుడు ఓ జ‌ర్న‌లిస్ట్ అడిగితే.... అస‌లు ఇలాంటి రూమ‌ర్స్ ఎలా వ‌స్తాయో తెలియ‌డం లేదంటుంది. మ‌రి..ఈ క్రేజీ మూవీలో బాల‌య్య స‌ర‌స‌న న‌టించే హీరోయిన్ ఎవ‌రో తెలియాలంటే మ‌రికొన్ని రోజులు ఆగాల్సిందే.