మహాభారతానికి సంబంధమేంటి?
- IndiaGlitz, [Wednesday,July 12 2017]
మ‌న ఇతిహాసాల్లో మహాభారతానికి ప్ర‌త్యేక‌మైన స్థానం ఉంది. తెలుగులో రూపొందే చిత్రాల్లో చాలా వ‌ర‌కు మ‌హాభార‌తం అనే చుట్టూనే తిరుగుతుంటాయి. అంతెందుకు తెలుగు సినిమాను ప్ర‌పంచ‌స్థాయికి తీసుకెళ్ళిన 'బాహుబ‌లి' సినిమా కూడా భారతం నుండి పుట్టిందే. మ‌రి ఇంత గొప్ప ఇతిహాసానికి, నితిన్ హీరోగా న‌టించిన 'లై' చిత్రానికి సంబంధం ఏమిటి?.. 'లై' టీజర్ చూసిన వారికి అదే సందేహం క‌లుగుతుంది.
'కోట్లమంది సైనికులు సరిపోలేదట. పంచ పాండవులూ సాధించలేదట. చివరికి కృష్ణుడూ ఒంటరి కాదట. అబద్ధం తోడు లేకుండా ఏ కురుక్షేత్రం పూర్తవదట. అశ్వ‌త్థామ హతః కుంజరః' అంటూ అర్జున్ చెప్పే డైలాగ్ ఒక‌వైపు, మ‌రోవైపు నితిన్ స్ట‌యిలిష్ లుక్‌తో విల‌న్స్ భ‌ర‌తం ప‌డ‌టం చూస్తుంటే సినిమాపై ఆస‌క్తి క‌లుగుతుంది. నితిన్, మేఘా ఆకాష్ హీరో హీరోయిన్లుగా న‌టించిన ఈ చిత్రంలో అర్జున్ విల‌న్‌గా న‌టిస్తున్నాడు. 14 రీల్స్ బ్యాన‌ర్‌పై సినిమా రూపొందుతుంది.