close
Choose your channels

వారెవరో నాకు తెలియదు.. ఫేక్ న్యూస్ ప్రచారం చెయ్యొద్దు: పూర్ణ

Tuesday, June 30, 2020 • తెలుగు Comments

వారెవరో నాకు తెలియదు.. ఫేక్ న్యూస్ ప్రచారం చెయ్యొద్దు: పూర్ణ

తనను, తన కుటుంబాన్ని బ్లాక్ మెయిల్ చేస్తున్నారంటూ షమ్నా ఖాసిం(పూర్ణ).. సినీ నటుడు ధర్మజన్ బోల్గట్టితో పాటు మరికొందరిపై కేసు నమోదు చేసిన విషయం తెలిసిందే. అయితే ఈ కేసు విషయమై మీడియా ఉన్నవి.. లేనివి ప్రచారం చేస్తోందని.. దానిపై ఆమె ట్విట్టర్ వేదికగా వివరణ ఇచ్చారు.

‘‘ఈ విపత్కర సమయంలో నాకు తోడుగా ఉండి మీ సపోర్ట్‌ని నాకు అందించినందుకు నా స్నేహితులకి, శ్రేయోభిలాషులకి థాంక్యూ. నేను నా కేసుకు సంబంధించి మీకు, మీడియాకు కొన్ని విషయాలను క్లారిఫై చేద్దామనుకుంటున్నా. నన్ను బ్లాక్‌మెయిల్ చేసిన వ్యక్తులు గానీ వారికి సంబంధించిన గ్యాంగ్ గురించి గానీ నాకేమాత్రం తెలియదు కాబట్టి వారితో నన్ను లింక్ చేస్తూ ఫేక్ న్యూస్‌ని ప్రచారం చెయ్యొద్దు. మ్యారేజ్ ప్రపోజల్ పేరుతో వచ్చి తప్పుడు పేర్లు, అడ్రస్‌లతో నా ఫ్యామిలీని మోసగించారు కాబట్టే మేము పోలీసులకు ఫిర్యాదు చేశాం. ఇది క్రమంగా బ్లాక్‌మెయిల్‌కి దారి తీయడంతో మాకు పోలీసుల్ని ఆశ్రయించక తప్పలేదు. ఇప్పటికీ వారి ఇన్‌టెన్షన్ ఏంటో మాకు తెలియదు.

కేరళ పోలీసులు నేను ఫిర్యాదు చేసిన తరువాత నిందితులందరినీ పట్టుకున్నారు. కాబట్టి ఇన్వెస్టిగేషన్ పూర్తయ్యేవరకూ దయచేసి మీడియా మిత్రులెవరూ.. ఈ కేసులో కానీ నా పర్సనల్ విషయాల్లో గానీ జోక్యం చేసుకోవద్దు. కేసు విచారణ పూర్తయ్యాక నేనే మీడియా ముందుకు వస్తాను. కాబట్టి ఈ కష్ట సమయంలో సపోర్ట్‌ను అందిస్తున్న ప్రతి ఒక్కరినీ నేను మరోసారి ధన్యవాదాలు తెలియజేస్తున్నా. అలాగే నా కేసు ద్వారా అయినా నాతో తోటి సోదరీమణులంతా ఇలాంటి ఫ్రాడ్స్ విషయంలో జాగ్రత్తగా వ్యవహరిస్తారని భావిస్తున్నా’’ అని నటి పూర్ణ వెల్లడించారు.

Get Breaking News Alerts From IndiaGlitz