ரஜினியும் நானும் தேர்ந்தெடுத்த பாதைகள் வேறு: அரசியல் குறித்து கமல்
- IndiaGlitz, [Friday,September 22 2017]
உலக நாயகன் கமல்ஹாசன் அரசியலில் குதிப்பது உறுதி என்ற நிலையில் ரஜினியுடன் அவர் இணைந்து செயல்படுவாரா? அல்லது தனியாக செயல்படுவாரா? என்ற கேள்வி பலர் மனதில் எழுந்தது. இதற்கு அவர் பேட்டி ஒன்றில் தெளிவுபடுத்தியுள்ளார்.
அரசியலில் இறங்குவது குறித்த தன்னுடைய திட்டத்தை ரஜினியை பலமுறை சந்தித்து விளக்கியிருப்பதாகவும், ஊழலை ஒழிப்பதுதான் இருவரின் கொள்கை என்றாலும் இருவரும் தேர்வு செய்துள்ள பாதைகள் வேறு என்றும் அவர் குறிப்பிட்டார்.
மேலும் 100 நாட்களில் தேர்தல் வந்தால் கூட தனியாகவே தேர்தலை சந்திக்க விரும்புவதாக கூறிய கமல், தனியாக தேர்தலை சந்தித்தால் வெற்றி பெறுவது கடினம் தான் என்றாலும் முன்பு இதுபோல் நடந்த உதாரணம் உண்டு என்று அவர் பேட்டியில் கூறியுள்ளார்.
மேலும் தமிழகத்தில் தற்போது நடந்து வரும் அரசு கட்டாயக்கல்யாணம் போல் இருப்பதாகவும், பொதுமக்கள் அதில் இருந்து வெளியே வர விரும்புவதாகவும் கமல் கூறினார்.