నేను కూడా అవ‌మానాల‌ను ఎదుర్కొన్నా: ఐశ్వ‌ర్యా రాజేశ్
- IndiaGlitz, [Monday,May 25 2020]
తెలుగుతో పాటు త‌మిళంలోనూ హీరోయిన్‌గా త‌నకంటూ ఓ ప్ర‌త్యేక‌మైన గుర్తింపు సంపాదించుకుంది ఐశ్వ‌ర్యా రాజేశ్. అయితే త‌న‌కు స‌క్సెస్ అంత సుల‌భంగా రాలేద‌ని ఐశ్వ‌ర్యా రాజేశ్ అంటున్నారు. రీసెంట్‌గా ఓ ఇంట‌ర్వ్యూలో ఆమె మాట్లాడుతూ ‘‘కెరీర్ ప్రారంభంలో నేను చాలా అవ‌మానాల‌ను ఎదుర్కొన్నాను. నేను సినీ రంగంలోకి అడుగుపెట్టిన తొలి నాళ్లలో నాకు చెప్పినంత రెమ్యున‌రేష‌న్ ఇవ్వ‌లేదు. నా రంగును అందుక సాకుగా చూపేవారు. అయితే నేను బోల్డ్‌గా ఉంటాను. ఆ ధైర్య‌మే న‌న్ను ఈ స్థాయిలో నిల‌బెట్టింది. న‌న్ను నేను న‌మ్మాను. స‌మ‌స్య‌ల‌ను ఎదుర్కొన‌డం నాకు తెలుసు’’ అన్నారు ఐశ్వ‌ర్యా జేశ్‌.
నిజానికి ఐశ్వ‌ర్య తెలుగు అమ్మాయి. సీనియ‌ర్ న‌టి, క‌మెడియ‌న్ శ్రీల‌క్ష్మి మేన‌కోడలు. తమిళ‌నాడులో స్థిర‌ప‌డ‌టం వల్ల అక్క‌డే అవ‌కాశాల‌ను వెతుక్కుంది. త‌మిలంలో హీరోయిన్‌గా మంచి పేరు సంపాదించుకున్న ఐశ్వ‌ర్యా రాజేశ్ త‌మిళంలో దాదాపు పాతిక సినిమాల్లో న‌టించిన త‌ర్వాత తెలుగులో న‌టించే అవ‌కాశం ద‌క్కింది. తెలుగు కౌస‌ల్య కృష్ణ‌మూర్తి సినిమాలో ఈమె టైటిల్ పాత్ర‌లో నటించింది. త‌ర్వాత వ‌ర‌ల్డ్ ఫేమ‌స్ ల‌వ‌ర్‌తో పాటు మరో తెలుగు సినిమాలోనూ నటించింది. అయితే తెలుగులో ఈమెకు ఆశించిన స్థాయిలో బ్రేక్ మాత్రం రావ‌డం లేదు.