எனக்கு இன்னொரு மகன் கிடைத்துவிட்டார்.. நடிகர் ஜெயராம் வெளியிட்ட புகைப்படங்கள் வைரல்..!
- IndiaGlitz, [Saturday,December 09 2023]
நடிகர் ஜெயராம் தனக்கு இன்னொரு மகன் கிடைத்துவிட்டார் என்று கூறி பதிவு செய்துள்ள புகைப்படம் இணையத்தில் வைரல் ஆகி வருகிறது.
நடிகர் ஜெயராமுக்கு காளிதாஸ் ஜெயராம் என்ற மகனும் மாளவிகா ஜெயராமன் என்ற மகளும் உள்ளனர் என்பது குறிப்பிடத்தக்கது. காளிதாஸ் ஜெயராம் திரையுலகில் நடிகராக உள்ளார் என்பதும் சமீபத்தில் தான் அவருக்கு திருமணம் நடந்தது என்பது குறிப்பிடத்தக்கது
இந்த நிலையில் மகள் மாளவிகா ஜெயராமன் நிச்சயதார்த்தத்தை சமீபத்தில் நடத்திய ஜெயராம், அதுகுறித்த புகைப்படங்களையும் தனது சமூக வலைத்தளத்தில் தெரிவித்துள்ளார்
என்னுடைய மகளுக்கு நிச்சயதார்த்தம் ஆகிவிட்டது, இதோ இப்போது எனக்கு இன்னொரு மகன் கிடைத்துவிட்டார் என்று கேப்ஷனாக ஜெயராம் தனது இன்ஸ்டாகிராமில் பதிவு செய்துள்ளார்.
நடிகர் ஜெயராம் தற்போது தளபதி விஜய் நடித்துவரும் 'தளபதி 68’ திரைப்படத்தில் ஒரு முக்கிய கேரக்டரில் நடித்து வருகிறார். சமீபத்தில் தனது கேரக்டர் குறித்து அவர் கூறிய போது ’ஜெயிலர்’ திரைப்படத்தில் நடித்த சிவராஜ்குமார் கேரக்டர் போல் தனது கேரக்டரும் மாஸ் ஆனது என்று தெரிவித்திருந்தார்.